“Cənnət”də yaşamaqdan bezən cinayətkar könüllü təslim oldu

Avstriyanın Zalsburq şəhərində həbsdən qaçmış cinayətkar könüllü surətdə polisə təslim olub.

Associated Press yazır ki, həbsdən qaçdıqdan sonra 10 il Kanar adalarında yaşayan 64 yaşlı cinayətkarı kurortda keçən həyat yorub. O bildirib ki, bütün dünyada məşhur olan və turistlərin həvəslə  üz tutduğu Tenerife adası artıq onu bezdirib və bu qədər gözəl həyat yaşamaq ona kifayətdir.

Qəribə düşüncəli cinayətkarın hansı əmələ görə məhkum olunduğu barədə məlumat verilmir.

İldə 5 milyon turistin ziyarət etdiyi Tenerife adasında il boyu 20-29 dərəcə hava şəraiti hökm sürür. Səyyahlar bu adanı dünyadakı cənnət adlandırırlar.