Eyvandan atılan zibillə uşağın başını yardılar - ANBAAN VİDEO

Uşaqlı ailə həyətdə gəzərkən bina sakinlərindən biri zibildən təcili qurtulmaq qərarına gəlib və onu birbaşa eyvandan küçəyə atıb. Zibil paketində olan şüşə butulka dörd yaşlı qızcığazın başına dəyib.

“LifeShot” “Telegram” kanalı həmin anın görüntülərini yayımlayıb.

Məlumata görə, hadisə Rusiyanın paytaxtı Moskva şəhərində baş verib. Uşaq təcili əməliyyat olunub.

Hüquq-mühafizə orqanlarının əməkdaşları artıq zibilin atıldığı mənzili müəyyən ediblər. Orada qadın yeddi yaşlı oğlu ilə bir yerdə yaşayır.

Polis faktla bağlı araşdırmalara başlayıb.