Okt
2020
10:09
39
391
3911
Virtual karabakh

Ayrı-ayrı simptomlarla iki dəfə koronavirusa yoluxdu - FOTO

ABŞ-dan olan bir kişi fərqli simptomlarla iki dəfə koronavirusa yoluxub.

Bu barədə CNN xəbər yayıb.

Məlumata görə, 29 yaşlı amerikalı Cordan Cozi ilk dəfə mart ayında xəstələnib. Onda yüksək temperatur, nəfəs darlığı və əzələ ağrıları müşahidə edilib.

İki ay sonra qanında anti-cisim tapılıb, kişinin ümumi vəziyyəti o qədər yaxşılaşıb ki, qaçışı davam etdirə bilib.

Ancaq iyul ayında o, yenidən özünü pis hiss edib. C.Cordanın iştahı itib, o qədər taqətsizləşib ki, hətta telefonla danışmağa gücü olmayıb.

Minnesota Universiteti Tibb Fakültəsi Yoluxucu Xəstəliklər və Beynəlxalq Tibb Bölməsinin tibb professoru Dr. Syuzan Klayn belə halların təkrar yoluxma hallarına nümunə ola biləcəyini qeyd edib.

Qeyd edək ki, rusiyalı virusoloq və “Vektor” mərkəzinin keçmiş laboratoriya müdiri Aleksandr Çepurnov COVID-19-a qarşı immunitetin xəstə sağaldıqdan sonra altı ay müddətində qaldığını bildirmişdi.

Onun sözlərinə görə, sağalanlarda anti-cisimlərin sayı üç-dörd ayda azalır, beşinci-altıncı aydan sonra isə hüceyrə immuniteti koronavirus anti-cisminə cavab reaksiyasını dayandırır.

“Buna görə COVID-19 sonrası immuniteti altı ay hesablayıram. Beləliklə, aprel və may aylarında xəstələnənlər yarım il sonra yenidən yoluxma təhlükəsi ilə üzləşəcəklər”, - deyə o xəbərdarlıq edib.

Bizimlə əlaqə saxlayın

Digər Maraqlı xəbərləri