Təyyarədə qalmaqal: Sərnişinlərin gözü qarşısında ərinə şillə vurdu - VİDEO
Təyyarədə qalmaqal: Sərnişinlərin gözü qarşısında ərinə şillə vurdu - VİDEO
Təyyarədə qadın bütün sərnişinlərin gözü qarşısında qalmaqal salan ərinə şillə vurub.
Bununla bağlı kadrları “Metro” yayımlayır.
Nəşrin məlumatına görə, hadisə İngiltərənin Mançester şəhərindən İspaniyanın Tenerife adasına uçan bir laynerin göyərtəsində baş verib. Təyyarə enməyə hazırlaşarkən bir kişi yerindən qalxaraq qışqırmağa başlayıb.
“Hamı sizə yalan danışır! Nə qədər uzun müddət maska taxsanız, bu, o qədər uzun müddət davam edəcək. Çıxarın onları”, - deyə bağırıb.
Ardından arvadı onu sakitləşdirməyə çalışıb, lakin kişi onu “axmaq” adlandırıb. Bunu eşidən qadın onun üzünə bir şillə vurur. Bundan sonra təyyarənin digər sərnişinləri də münaqişəyə qoşularaq, dava salan kişini sakitləşdirməyə və həyat yoldaşlarını ayırmağa çalışıblar.
Aviaşirkət daha sonra hadisəni təsdiqləyib və təyyarə endikdən sonra hüquq mühafizəçilərinin işə qarışdığını bildirib.