May
2021
01:26
150
67
4915
Virtual karabakh

Hamilə olduğunu bilməyən sərnişin təyyarədə doğdu - FOTO/VİDEO

ABŞ-da Yuta-Havay reysi ilə hərəkət edən təyyarədə uçuş əsnasında gözlənilməz hadisə baş verib. Belə ki, hamilə olduğunu bilməyən Lavinia Mounqa adlı qadın elə göyərtədə uşaq dünyaya gətirib.

Bu barədə “Haber Global” xəbər yayıb.

Bildirilir ki, qadının sancıları təyyarə havaya qalxdıqdan az sonra başlayıb. Xoşbəxtlikdən sərnişinlər arasında həkim və tibb bacısı olub. Onların köməyi ilə 29 həftəlik uşaq dünyaya gəlib. Körpənin adı elə təyyarədə də qoyulub – Raymond.

Bildirilir ki, uşağın göbəyi ayaqqabı bağı ilə kəsilib, onu isti saxlamaq üçün mikrodalğalı sobada isidilmiş şüşələrdən istifadə olunub, körpənin ürək döyüntüləri isə smart saatın köməyi ilə izlənilib.

Təyyarə Havayda eniş etdikdən sonra ana və oğlu təcili yardımla xəstəxanaya aparılıb. Onların vəziyyətlərinin yaxşı olduğu vurğulanıb.

Mounqa yerli mediaya verdiyi açıqlamada hamilə olmasından xəbərsiz olduğunu bildirib.

Bizimlə əlaqə saxlayın

Digər Maraqlı xəbərləri