Optik illüziya “mövcud olmayan ən gözəl rəng”i üzə çıxardı - VİDEO

“TikTok”da izləyicilərin qeyri-adi bir rəng görə biləcəyi optik illüziya əks olunan video yayılıb.

Videonu yayan bloqer tamaşaçıları bir dəqiqə mavi fonda qırmızı dairənin mərkəzindəki ağ nöqtəyə baxmağa dəvət edib.

“Tezliklə həyatınızda heç görmədiyiniz mavi kölgə görəcəksiniz. Diqqətinizi bu nöqtəyə yönəltməyə davam edin. Uzağa baxmayın, əks halda bu optik illüziya işləməyəcək”, - deyə o qeyd edib.

İzləyicilərin çoxu belə qeyri-adi bir video yerləşdirdiyinə görə bloqerə təşəkkür ediblər və bu rəngi indiyə qədər görmədiklərini, mavi rənglərin ən gözəl kölgəsi olduğunu yazıblar.