Hansı xəstəliklər trombların yaranmasına səbəb olur?

Ürək-damar xəstəlikləri, varikoz damar genişlənmələri və siqaret orqanizmdə trombozun inkişafına kömək edir.

Bu və digər risk faktorları barədə “Rossiya 1” telekanalında Rusiyanın Ürək-Damar Patologiyası Mərkəzinin rəhbəri Zaur Şuquşev danışıb.

İlk öncə həkim xatırladıb ki, damarlarda və arteriyalarda qan laxtalanmaları yarana bilər və onların əmələ gəlməsi üçün üç şərt lazımdır: Damarların divarlarında problemlər, təbii qan axınının ləngiməsi və damar hüceyrəsinin zədələnməsi.

Onun sözlərinə görə, trombozu ürək və damar xəstəlikləri, varikoz, koronavirus, siqaret, cərrahiyyə əməliyyatları, uzunmüddətli uçuşlar və bəzi dərmanlar təşviq edə bilər.

Mənbə: “RİA Novosti”