20 
Apr
2020
16:45
17
578
3999
Virtual karabakh

Komitə sədri Seçki Məcəlləsinə dəyişikliyin anonsunu verdi: “Bu istiqamətdə işləyirik” - MÜSAHİBƏ

20 Apr, 2020
16:45
3999

Komitə sədri Seçki Məcəlləsinə dəyişikliyin anonsunu verdi: “Bu istiqamətdə işləyirik” - MÜSAHİBƏ

Bizim WhatsApp kanalımıza buradan abunə ola bilərsiniz

Milli Məclisin Regional məsələlər komitəsinin sədri Siyavuş Novruzov bələdiyyələrin fəaliyyəti ilə bağlı Oxu.Az-a müsahibə verib:

- Siyavuş müəllim, hazırda Azərbacanda böyük şəhər bələdiyyələrinin yaradılması zəruridir?

- Azərbaycanda böyük şəhər bələdiyyələrinin yaradılmasına ehtiyac yoxdur. Bəzən insanlar tez-tez Türkiyəni misal gətirərək, məsələni qarışdırırlar. Hər bir dövlətin özünəməxsus quruluşu və idarəetmə sistemi var.

Biz prezidentli respublikayıq və dövlət başçısının yerlərdə, o cümlədən Bakıda səlahiyyətli nümayəndələri var. Səlahiyyətli nümayəndələr icra hakimiyyətlərinin başçılarıdır.

Digər yerli məsələlərin həlli üçün isə bələdiyyələr fəaliyyət göstərir. Əhali özü yığışır və bələdiyyə üzvlərini seçir. Qəbiristanlıqlar, parklar, suvarma sistemləri, torpaq vergiləri və sair məsələlərə bələdiyyələr baxır. Ancaq dövlətin rəsmi qərarlarının icrasını icra başçıları həyata keçirir.

- Milli Məclisin iclasında bələdiyyələrin 2019-cu il üzrə fəaliyyəti barədə hesabatı zamanı Seçki Məcəlləsinə dəyişiklik təklif etdiniz. Dediniz ki, bələdiyyə seçkilərinin keçirilməsi Seçki Məcəlləsi ilə yox, ayrıca qanunvericiliklə tənzimlənməlidir. Bu təklifinizə rəsmi reaksiyalar oldu?

- Biz bu istiqamətdə işləyirik, aidiyyəti qurumlardan da bununla bağlı təklifləri alacağıq. Çalışacağıq ki, bələdiyyə seçkiləri ilə bağlı məsələlər daha da sadələşdirilsin. Elə kəndlər var ki, 100-500 arası sakini var. Orada beş nəfər bələdiyyə üzvünə nə ehtiyac var?! Bir nəfər seçilsə, özünün aparatını yarada və bütün işləri görə bilər. Bununla vəsaitə də qənaət olunar.

- Siyavuş müəllim, bələdiyyələrə hər il dövlət büdcəsindən dotasiyalar və subvensiyalar ayrılır. Amma biz hələ də bələdiyyə xəstəxanaları və məktəblərinin mövcudluğundan danışmırıq, çünki yoxdur. Hansı səbəblər bələdiyyələrin xəstəxana, ya da məktəb tikməsinə mane olur?

- Bələdiyyələrin çox geniş səlahiyyəti var. Vətəndaşlarımızda belə bir anlayış var ki, bələdiyyə ancaq torpaq alqı-satqısı ilə məşğul olur. Əslində isə, siz dediyiniz kimi bələdiyyə xəstəxanası, bağçası, istirahət kompleksləri və sair ola bilər. Bunu isə yaratmaq lazımdır. Dotasiyalar, subvensiyalar verilir, üstəgəl bələdiyyə vergiləri yığılır. Bələdiyyələr bu vəsaitləri ilkin dövrdə belə sahələrə yatırsalar, sonradan oradan 10 qat artıq gəlir əldə edər. Bundan başqa, bələdiyyələr torpaqları icarəyə versələr, daha sərfəli olar, hər il gəlir götürərlər.

- Digər bir problem şəhərlərdə bələdiyyə sərhədlərinin müəyyənləşməməsidir. Bununla bağlı hansı təklifləriniz var?

- Şəhərlərdə bu problem var. Mülkiyyətin üç növü var – dövlət, özəl və bələdiyyə. Bələdiyyələr isə mülkiyyətdən istifadəni düzgün həyata keçirmirlər.

Aqşin Kərimov

Bizimlə əlaqə saxlayın

Digər Siyasət xəbərləri