24 
May
2019
09:46
47
148
1622
Virtual karabakh

Əli Əhmədov: Xalq Cümhuriyyəti tariximizin şanlı səhifəsidir

24 May, 2019
09:46
1622

Əli Əhmədov: Xalq Cümhuriyyəti tariximizin şanlı səhifəsidir

Bizim WhatsApp kanalımıza buradan abunə ola bilərsiniz

Respublika günü ərəfəsində Cümhuriyyəti quranlar hamılıqla minnətdarlıq hissi ilə yad edilir, xalqımız azərbaycançılıq ideyaları ətrafında daha sıx birləşir, dövlətçiliyə sədaqətini ifadə edir.

Bu fikirləri Baş Nazirin müavini, YAP-ın sədr müavini-icra katibi Əli Əhmədov sosial şəbəkədə yazıb.

Onun sözlərinə görə, 101 il əvvəl qurulmuş, az yaşasa da, ənənələri onun layiqli varisi olan Azərbaycan Respublikası tərəfindən yaşadılan Xalq Cümhuriyyəti Azərbaycan tarixinin şanlı səhifəsi kimi əbədi yaşayacaq: 

“Qürurla qeyd etmək yerinə düşər ki, Xalq Cümhuriyyətinin ideyaları və ənənələri ümummilli lider Heydər Əliyevin qurduğu müstəqil Azərbaycan dövləti tərəfindən nəinki qorunur və yaşadılır, həm də daha yüksəklərə qaldırılır.

Şübhə etmirəm ki, Cümhuriyyəti quranlar bugünkü Azərbaycanla fəxr edərdilər, çünki onların və bütün xalqımızın arzuları müstəqil dövlətimizin mövcudluğunda və fəaliyyətində özünün təcəssümünü tapır.

Azərbaycan XXI əsrin ən uğurlu dövlətlərindən biri olduğunu bütünlüklə təsdiq edə bilib. Müstəqillik, müasirlik, tərəqqi, hürriyyət kimi ümumbəşəri ideyalar dövlətimizin təməl prinsipləri olaraq vətəndaşların xidmətindədir”.

Ə.Əhmədov əlavə edib ki, 100 il əvvəl Cümhuriyyət qurucuları Azərbaycanın müstəqilliyinin tanıdılması uğrunda mübarizə aparırdılar, indi Azərbaycan özünün dövlət müstəqilliyini qəti şəkildə təsdiq edib: 

“100 il əvvəl beynəlxalq güclər Bakı neftini ələ keçirmək uğrunda savaşırdılar, indi Azərbaycanın bütün təbii sərvətləri xalqımızın mənafeyinə xidmət göstərir. 

İndi Azərbaycan nümunə göstərən bir ölkədir. Yüksək inkişaf nümunəsi, əmin-amanlıq nümunəsi, tolerantlıq nümunəsi Azərbaycanı bütün dünyada məşhur edib. 100 il əvvəl müstəqil yaşamağa haqqı olduğunu sübuta yetirməyə çalışan bir xalq və onun müstəqil dövləti indi dünyaya nümunə göstərir. Çünki müstəqillik və dövlətçilik etibarlı əllərdədir. Respublika günümüz mübarək olsun!”

Bizimlə əlaqə saxlayın

Digər Siyasət xəbərləri