15 
İyl
2019
20:22
70
368
17795
Virtual karabakh

Gürcüstan Sərhəd Polisindən “Keşikçidağ”la bağlı açıqlama

Gürcüstan Sərhəd Polisinin sədr müavini Teymuraz Kupatadze “Keşikçidağ” Məbəd-Kompleksində baş verən insidentə aydınlıq gətirib.

“Report”un Gürcüstan bürosu xəbər verir ki, o, jurnalistlərə azərbaycanlı sərhədçilərin məbəddən ikonaları götürməsinin səbəbini açıqlayıb.

Gürcüstan rəsmisi deyib ki, Azərbaycan tərəfi ikonaları onların zədələnməməsi üçün məbəddən götürüb: “Gürcüstan və Azərbaycan tərəfləri arasında keçirilən görüşdən sonra məlum oldu ki, azərbaycanlı sərhədçilər məbədin divarlarındakı ikonaları onları mühafizə etmək məqsədilə götürüb. Onlar bildirdilər ki, hava şəraiti pisləşdiyindən külək və yağış ikonalara zərər vura bilərdi. Buna görə də azərbaycanlı sərhədçilər ikonaları götürərək gürcü həmkarlarına təqdim ediblər”.

T.Kupatadze azərbaycanlı sərhədçilərin məbəddən ayaqyolu kimi istifadə etməsi barədə yayılan məlumatları təkzib edib: “Zəvvarlar və turistlər məbəd ərazisini zibilləyirlər. Məbəd ərazisində Azərbaycan tərəfi təmizlik işləri aparıb”.

Bizimlə əlaqə saxlayın

Digər Siyasət xəbərləri