Ali Baş Komandana MÜRACİƏTLƏR: “Komandanlığınızla şanlı ordumuz tarixin yeni silinməz səhifələrini yazır”

Azərbaycanda və xaricdə yaşayan həmvətənlərimiz, eyni zamanda, xarici ölkələrin vətəndaşları, eləcə də, müxtəlif peşə sahibləri Prezident, Silahlı Qüvvələrin Ali Baş Komandanı İlham Əliyevə müraciət edirlər.

Şanlı ordumuzun sentyabrın 27-də işğalçı qoşunlarına qarşı Ali Baş Komandan İlham Əliyevin rəhbərliyi altında başlatdığı əməliyyatlar birmənalı olaraq alqışlanır və böyük dəstək ifadə olunur.

Müraciətlərdə Ermənistanın Azərbaycanın ərazi bütövlüyünü hədəf alan hər cür cəhd və təxribatı pislənir, həmçinin Ali Baş Komandanın rəhbərliyi ilə rəşadətli Azərbaycan Ordusunun yazdığı tarixə şahidlik edilməsi, müqəddəs savaşdakı addımları alqışlanır.

Azərbaycanın və dünyanın bir çox yerlərindən ünvanlanan məktublarda dövlət başçısına bu çətin və şərəfli işində uğurlar arzu edilir.

Müraciətlərdə Ali Baş Komandan İlham Əliyevin Qarabağ uğrunda yürütdüyü siyasətə dəstək nümayiş etdirilir.