Ombudsman Ermənistan ordusunun hərbi əməliyyatlara uşaqları cəlb etməsinə münasibət bildirib - FOTO
Ombudsman Ermənistan ordusunun hərbi əməliyyatlara uşaqları cəlb etməsinə münasibət bildirib - FOTO
Ombudsman Səbinə Əliyeva Ermənistan ordusunun Azərbaycana qarşı aparılan hərbi əməliyyatlara uşaqları cəlb etməsinə münasibət bildirib.
“Ermənistan Azərbaycana qarşı müharibədə uşaqlardan istifadə edir. Bu, tamamilə qəbuledilməzdir. Azərbaycan torpaqlarının işğalına son qoymaq, ordusunu Azərbaycandan çıxarmaq, beynəlxalq hüquqa riayət etmək əvəzinə Ermənistan uşaqları işə cəlb edir və beynəlxalq humanitar hüququn prinsiplərini pozur.
Belə ki, Uşaq Hüquqları Konvensiyasının 38-ci maddəsinə əsasən, iştirakçı dövlətlər silahlı münaqişələr zamanı onlara tətbiq edilən və uşaqlara aidiyyəti olan beynəlxalq humanitar hüquq normalarına hörmət bəsləməyi və onlara əməl olunmasını təmin etməyi öhdələrinə götürürlər. Həmin maddənin 2-ci bəndinə görə, yetkinlik yaşına çatmayan uşaqların hərbi əməliyyatlara cəlb olunması qadağandır.”
#Armenia recruits #children for the military operations violating #GenevaConventions and #UN Convention on Child Rights. @unicefchief @UNICEF @EdwardUNICEF @ICRC @PMaurerICRC @UNHumanRightsEUhttps://t.co/AZm6OD1Rka pic.twitter.com/wm0xhNvjuC
— Ombudsman of Azerbaijan (@az_ombudsman) October 25, 2020