18 
Yan
2021
17:42
386
30
1467
Virtual karabakh

Deputat: “Qazaxıstanla Azərbaycan arasında fikir ayrılıqlarına səbəb olacaq heç bir siyasi məsələ yoxdur”

“Bu gün Qazaxıstanda 150 minə yaxın azərbaycanlı yaşayır. Onların əksəriyyəti buraya çoxdan gəlib - repressiyaya məruz qalanlar və ya Sovet hakimiyyəti illərində ümumittifaq inşaat sahələrinə və toxunulmamış torpaqlara gələn, Sovet ordusu sıralarında hərbi xidmətdən sonra qalanlar”.

Bu barədə Qazaxıstanın Parlament Məclisinin deputatı, “Qazaxıstan Azərbaycanlıları Assosiasiyası” Respublika ictimai birliyinin sədri Əbilfas Müslimoviç Xamədov “Novoye Vremya” qəzetinə müsahibəsində bildirib.

O deyib ki, Qazaxıstan hamımız üçün həqiqətən ortaq bir evə, ikinci vətənə çevrilib.

“Bir çoxları üçün, məsələn, burada doğulub böyüyən mənim üçün bura birinci vətəndir”, - deyə əlavə edib.

Deputat Qazaxıstanla Azərbaycan arasında siyasi əlaqələrdən də danışıb. Bildirib ki, iki ölkə arasında anlaşılmazlığa və ya fikir ayrılıqlarına səbəb olacaq heç bir siyasi məsələ yoxdur.

“İqtisadi əməkdaşlıqda hər şey çox yaxşı gedir, artım var, amma inanıram ki, bu istiqamətdə əməkdaşlıq potensialı tükənməyib və bunun üzərində çalışmalıyıq”, - deyə Ə.Xamədov söyləyib.

Bizimlə əlaqə saxlayın

Digər Siyasət xəbərləri