11 
May
2021
13:24
42
406
1370
Virtual karabakh

Sergey Lavrov: “Əməkdaşlığımızın genişlənməsi üçün yaxşı perspektiv var”

11 May, 2021
13:24
1370

Sergey Lavrov: “Əməkdaşlığımızın genişlənməsi üçün yaxşı perspektiv var”

Bizim WhatsApp kanalımıza buradan abunə ola bilərsiniz

“Biz Prezident İlham Əliyevlə görüşdə əlaqələrimizi kompleks şəkildə müzakirə etdik. Əməkdaşlığımızın genişlənməsi üçün yaxşı perspektiv var”. 

Oxu.Az xəbər verir ki, bunu Rusiyanın Xarici İşlər naziri Sergey Lavrov azərbaycanlı həmkarı Ceyhun Bayramovla keçirilən mətbuat konfransında deyib. 

O bildirib ki, son dörd ayda Azərbaycan və Rusiya liderləri bir dəfə görüşüb, beş dəfə telefonla danışıb. 

“Mən özüm də tez-tez azərbaycanlı həmkarımla əlaqədəyəm”, - deyə S.Lavrov əlavə edib. 

O qeyd edib ki, bu ay Azərbaycan Baş naziri Əli Əsədovun Moskvaya səfəri gözlənilir. 

“Ölkələrimiz arasında ticarət dövriyyəsi 3 milyard dollar idi. Bu rəqəm koronavirus pandemiyası ilə əlaqədar bir qədər azalıb”, - deyə S.Lavrov bildirib. 

O bildirib ki, Rusiya istehsalı olan vaksinlərin birinci partiyası Azərbaycana gətirilib:

“Humanitar sahədə əlaqələrimiz genişlənir. Bu il Azərbaycanda Azərbaycan-Rusiya Regionlararası Forum keçiriləcək. Rusiyada isə Azərbaycan günləri keçiriləcək”.

Aqşin Kərimov

Bizimlə əlaqə saxlayın

Digər Siyasət xəbərləri