12 
May
2021
15:42
165
33
875
Virtual karabakh

Aşqabadda Beynəlxalq Neft və Qaz İnvestisiya Forumu keçirilir

12 May, 2021
15:42
875

Aşqabadda Beynəlxalq Neft və Qaz İnvestisiya Forumu keçirilir

Bizim WhatsApp kanalımıza buradan abunə ola bilərsiniz

Aşqabadda Beynəlxalq Neft və Qaz İnvestisiya Forumu keçirilir. Neft və qaz sektoruna xarici investisiyaların cəlb edilməsi üzrə beynəlxalq forum Türkmənistanın müstəqilliyinin 30-cu ildönümünə təsadüf edir.

AZƏRTAC xəbər verir ki, forumda SOCAR-ın prezidenti Rövnəq Abdullayev və İqtisadiyyat nazirinin müavini Rövşən Nəcəf daxil olmaqla Azərbaycandan yüksək səviyyəli nümayəndə heyəti iştirak edir.

Həmçinin videoformatda keçirilən tədbirə 42 ölkədən 160-dan çox beynəlxalq neft-qaz və investisiya şirkətini təmsil edən 500-ə yaxın nümayəndə, eləcə də böyük beynəlxalq strukturlar və maliyyə qurumlarının aparıcı mütəxəssisləri qatılıb.

Forumun məqsədi Türkmənistanın neft və qaz sənayesinə birbaşa xarici investisiyaların cəlb edilməsi imkanlarını genişləndirmək, enerji sektorunun gələcək davamlı inkişafı üzrə regional dialoqu intensivləşdirməkdir.

Tədbir potensial investorların neft və qaz, həmçinin qaz kimya sənayesində yeni investisiya layihələri, o cümlədən neft və qaz hasilatının optimallaşdırılması və Xəzər dənizinin Türkmənistan sektorunun şelfindəki yataqların işlənməsi barədə məlumatlılığını artıracaqdır.

Bundan əlavə, forum çərçivəsində mühüm müqavilələr və memorandumlar imzalanacaq.

Tədbir sabah da davam etdiriləcək.

Bizimlə əlaqə saxlayın

Digər Siyasət xəbərləri