Avropa İttifaqının komissarı Samir Nuriyev və Hikmət Hacıyevlə görüşdü - FOTO
Avropa İttifaqının komissarı Samir Nuriyev və Hikmət Hacıyevlə görüşdü - FOTO
Avropa İttifaqının (Aİ) qonşuluq və genişlənmə üzrə komissarı Oliver Varhelyi Azərbaycana səfəri çərçivəsində Azərbaycanın Prezident Administrasiyasının rəhbəri Samir Nuriyev və Azərbaycan Prezidentinin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyevlə görüşüb.
Bu barədə avropalı diplomat özünün “Twitter” hesabında yazıb.
Görüşdə Avropa İttifaqı ilə Azərbaycan arasında müxtəlif sahələr üzrə əməkdaşlığın uğurla inkişaf etdiyi qeyd olunub, Azərbaycanın Avropa İttifaqının etibarlı tərəfdaşı olduğu bildirilib.
Avropa İttifaqı ilə Azərbaycan arasında nəqliyyat, yaşıl enerji, rəqəmsal texnologiyalar, elm, təhsil və digər sahələr üzrə əməkdaşlığın inkişaf perspektivlərinə dair fikir mübadiləsi aparılıb. İşğaldan azad edilmiş ərazilərdə minalardan təmizləmə, bərpa və yenidənqurma işlərində Avropa İttifaqının Azərbaycanı dəstəkləməyə hazır olduğu vurğulanıb.
Görüşdə TAP layihəsinin əhəmiyyəti qeyd olunaraq, Avropa İttifaqının enerji təhlükəsizliyinin təmin olunmasında Azərbaycanın mühüm rol oynadığı bildirilib.
#Azerbaijan: Great exchange of views with Head of Presidential Administration Samir Nuriyev & Foreign Policy Advisor @HikmetHajiyev on implementation of Economic&Investment Plan, with focus on connectivity. Also spoke of response to #COVID19 challenges. pic.twitter.com/xWS8sZ0zyk
— Oliver Varhelyi (@OliverVarhelyi) July 8, 2021