Zakir Həsənov Türkiyə prezidenti ilə görüşüb - FOTO
Zakir Həsənov Türkiyə prezidenti ilə görüşüb - FOTO
Türkiyədə səfərdə olan Azərbaycan Respublikasının müdafiə naziri, general-polkovnik Zakir Həsənov ölkə prezidenti Rəcəb Tayyib Ərdoğanla görüşüb.
Bu barədə Türkiyə Prezident Administrasiyasından məlumat verilib.
Görüşdə Türkiyənin milli müdafiə naziri Hulusi Akar və Azərbaycan Respublikası müdafiə nazirinin birinci müavini, Baş Qərargah rəisi general-leytenant Kərim Vəliyev də iştirak edib.
Qeyd edək ki, Azərbaycanın müdafiə naziri general-polkovnik Zakir Həsənov, nazirin birinci müavini - Azərbaycan Ordusunun baş qərargah rəisi general-leytenant Kərim Vəliyev və nazir müavini - Hərbi Hava Qüvvələrinin komandanı general-leytenant Ramiz Tahirov Türkiyənin müdafiə naziri Hulusi Akarın dəvətilə bu ölkədə səfərdədir.
Cumhurbaşkanı @RTErdogan, Azerbaycan Savunma Bakanı Zakir Hasanov ve Genelkurmay Başkanı Kerim Veliyev'i Cumhurbaşkanlığı Külliyesinde kabul etti. pic.twitter.com/YfZpMOWDlF
— T.C. Cumhurbaşkanlığı (@tcbestepe) September 14, 2021