DOST övladlığagötürmə sahəsində vəzifələrin icrasını təmin etməyəcək - FƏRMAN

Övladlığagötürməni əsaslandırmaq və övladlığa götürülən uşağın mənafeyinə uyğunluğu haqqında rəy vermək, bu sahədə nəzarəti həyata keçirmək, habelə övladlığagötürmənin ləğvini tələb etmək Dayanıqlı və Operativ Sosial Təminat Agentliyinin vəzifələri sırasından çıxarılıb.

AZƏRTAC xəbər verir ki, bu, Prezident İlham Əliyevin bu gün imzaladığı fərmanla Dayanıqlı və Operativ Sosial Təminat Agentliyinin Nizamnaməsinə edilən dəyişiklikdə əksini tapıb.

Agentlik övladlığagötürmə sahəsində vəzifələrin icrasını təmin etməyəcək.

Bundan sonra həmin vəzifələrin icrasını Sosial Xidmətlər Agentliyi təmin edəcək.