Belarusun Bakıdakı səfirliyi helikopter qəzası ilə bağlı başsağlığı verdi - FOTO

Belarusun Bakıdakı səfirliyi hərbçilərin həlak olması ilə nəticələnən helikopter qəzası ilə bağlı Azərbaycan xalqına başsağlığı verib.

“Azərbaycan Dövlət Sərhəd Xidmətinin hərbi helikopterinin Xızı rayonu ərazisində qəzaya uğraması nəticəsində insanların faciəvi şəkildə həlak olması xəbəri bizi dərindən kədərləndirdi. Həlak olanların ailələrinə dərin hüznlə başsağlığı verir və yaralılara tezliklə şəfa diləyirik”, - deyə səfirliyin “Twitter” hesabında qeyd edilib.