Ermənilərdən növbəti təxribat: Terrorçunun şəklini Azərbaycan konsulluğunun önünə yapışdırdılar - FOTO
Ermənilərdən növbəti təxribat: Terrorçunun şəklini Azərbaycan konsulluğunun önünə yapışdırdılar - FOTO
Ermənilərin Azərbaycan dövlətinə, azərbaycanlılara qarşı təxribatları ABŞ-da da davam edir.
Oxu.Az xəbər verir ki, ötən gecə ermənilər Azərbaycanın Kaliforniyadakı konsulluğu önündəki dirəklərə terrorçu Qurqen Yanikyanın fotosunu yapışdırıb.
Bununla bağlı fotoları Azərbaycanın Kaliforniyadakı Baş Konsulu Nəsimi Ağayev öz “Twitter” səhifəsində paylaşıb.
Qeyd edək ki, Qurqen Yanikyan ən qatı erməni cinayətkarlarından və terrorçularından biridir. O, 1973-cü ildə Kaliforniyada türk diplomatlara qarşı sui-qəsd edərək, onları öldürüb.
Nəsimi Ağayev paylaşımında həmçinin Yanikyanın nə qədər təhlükəli bir cinayətkar olduğunu göz önünə alaraq aidiyyəti qurumların məsələ ilə bağlı qəti mövqe qoymaları barəsində tələbini də vurğulayıb.
Last night, Armenian radicals hanged a photo of Armenian terrorist #GourgenYanikian in front of @azconsulatela. Yanikian murdered Turkish diplomats in 1973 in California. Considering history of Armenian terrorism in LA, we urge @FBILosAngeles & @LAPDHQ to investigate this matter. pic.twitter.com/6o7Y0TKjBj
— Nasimi Aghayev (@NasimiAghayev) January 11, 2022