14 
Apr
2022
16:48
215
15
906
Virtual karabakh

Gürcüstanın iqtisadiyyat naziri Azərbaycana rəsmi səfər edəcək

14 Apr, 2022
16:48
906

Gürcüstanın iqtisadiyyat naziri Azərbaycana rəsmi səfər edəcək

Gürcüstanın iqtisadiyyat və davamlı inkişaf naziri Levan Davitaşvilinin rəhbərlik etdiyi nümayəndə heyəti Azərbaycana iki günlük rəsmi səfər edəcək.

APA-nın yerli bürosu xəbər verir ki, bu barədə Gürcüstanın iqtisadiyyat və davamlı inkişaf nazirliyinin məlumatında bildirilib.

Qeyd olunub ki, L.Davitaşvili səfər çərçivəsində Azərbaycanın Baş naziri Əli Əsədov, iqtisadiyyat naziri Mikayıl Cabbarov, enerji naziri Pərviz Şahbazov, rəqəmsal inkişaf və nəqliyyat naziri Rəşad Nəbiyev ilə görüşlər keçirəcək. Səfər çərçivəsində keçiriləcək görüşlərdə tərəflərin iki ölkə arasında əlaqələrin dərinləşdirilməsi və müxtəlif sektorlarda əməkdaşlıq məsələlərini müzakirə ediləcəyi bildirilib.

Gürcüstan nümayəndə heyətinin tərkibinə iqtisadiyyat nazirinin müavinləri Quram Quramişvili, Romeo Mikautadze, Baş nazirin müşaviri İoseb Tkemaladze, Gürcüstan Dəmir Yolları şirkətinin baş direktoru Davit Peradze və digər rəsmilər daxildir.

Bizimlə əlaqə saxlayın

Digər Siyasət xəbərləri