21 
May
2022
20:30
278
12
671
Virtual karabakh

XİN: “Gürcüstan-Azərbaycan-Türkiyə əməkdaşlıq formatı mühüm siyasi mexanizmdir”

21 May, 2022
20:30
671

XİN: “Gürcüstan-Azərbaycan-Türkiyə əməkdaşlıq formatı mühüm siyasi mexanizmdir”

2012-ci ildə xarici işlər nazirləri tərəfindən yaradılmış (Trabzon deklarasiyası) Gürcüstan-Azərbaycan-Türkiyə üçtərəfli formatı çoxtərəfli əməkdaşlıq platformaları çərçivəsində mühüm siyasi mexanizmdir.

“Report”un yerli bürosu xəbər verir ki, bu barədə Gürcüstanın Xarici İşlər Nazirliyinin (XİN) Türkiyə ilə diplomatik münasibətlərin bərpasının 30-cu ildönümü ilə bağlı yaydığı məlumatda bildirilib.

Qeyd edilib ki, mexanizmə prezidentlər, parlamentlərin xarici əlaqələr komitələri, müdafiə nazirləri və həmçinin digər qurumlar səviyyəsində əməkdaşlıq formatları da daxildir. Üçtərəfli iqtisadi əməkdaşlığın dərinləşdirilməsi üçün üçtərəfli biznes forumların keçirilməsi təcrübəsinin də olduğu vurğulanıb.

XİN Gürcüstan və Türkiyənin birgə səyləri ilə reallaşdırılan Bakı-Tbilisi-Ceyhan neft kəməri və Bakı-Tbilisi-Ərzurum qaz kəməri kimi regional enerji layihələrinin böyük əhəmiyyət kəsb etdiyini bildirib. Cənub Qaz Dəhlizi (TANAP və TAP) və Bakı-Tbilisi-Qars dəmir yolu layihələrinin tam həyata keçirilməsi üçün fəal əməkdaşlığın davam etdirildiyi qeyd olunub.

Bizimlə əlaqə saxlayın

Digər Siyasət xəbərləri