Avq
2022
09:32
22
373
5010
Virtual karabakh

Deputatlar nə qədər maaş alacaqlar? - Komitə sədri AÇIQLADI + FOTO

2 Avq, 2022
09:32
5010

Deputatlar nə qədər maaş alacaqlar? - Komitə sədri AÇIQLADI + FOTO

Bizim WhatsApp kanalımıza buradan abunə ola bilərsiniz

Milli Məclisin komitə sədri Tahir Mirkişili millət vəkillərinin maaşlarının artması məsələsinə aydınlıq gətirib.

Bu barədə deputat “Facebook” hesabında paylaşım edib.

Parlamentin İqtisadi siyasət, sənaye və sahibkarlıq komitəsinin sədrinin sözlərinə görə, deputatların maaşının 61 faiz artması ilə bağlı yayılan xəbərlər həqiqəti əks etdirmir. O, bu artımın 33 faiz təşkil etdiyini vurğulayıb:

“Yazılarda deputatların aylıq maaşının artaraq 4052 manatdan 6537 manata çatdığı iddia olunur. Deputatın artıma qədər ümumi (vergi və digər yığımlar ödənmədən) aylıq vəzifə maaşı 1733 manat idi, artımdan sonra isə 2491 manat olub. Deputatın əvvəl aldığı vəzifə maaşının 1 misli qədər əlavə, 50%-i qədər vergidən azad pul təminatı, illik 2 misli qədər müavinət və illik 2 misli qədər məzuniyyət pulları ləğv olundu.

Əvəzində deputata aylıq vəzifə maaşının 2 misli qədər maaş əlavə ödənəcək. Deputatın gəlirlərində vergi azadolmaları da ləğv olundu və beləliklə deputatın bütün gəliri gəlir vergisinə cəlb olunacaq (ayda orta hesabla 1593 manat vergi). Bundan əlavə sosial sığorta, icbari tibbi sığorta, həmkarlar təşkilatlarına yığımlar da bütün gəlirdən hesablanacaq (ayda orta hesabla 523 manat). 

Beləliklə, qanuna edilən müvafiq dəyişiklikdən sonra deputatın aylıq xalis maaşı (bütün vergilər və yığımlar çıxıldıqdan sonra) 1968 manat (əvvəl 1369 manat idi), aylıq əlavələr üzərinə gəldikdə isə xalis gəliri 5357 manat (əvvəl 4017 manat idi) olacaqdır. Bu isə əvvəlki rəqəmdən 33% çox deməkdir. Yəni, ümumi artım 33% təşkil edir”.

Bizimlə əlaqə saxlayın

Digər Siyasət xəbərləri