Alban-Udi xristian icmasının üzvləri Hadruta səfər ediblər - FOTO

Alban-Udi xristian dini icmasının üzvlərinin işğalından azad edilən ərazilərə növbəti səfəri başlayıb.

“Report”un Qarabağ bürosu xəbər verir ki, icma üzvləri Xocavənd rayonunun Hadrut qəsəbəsində yerləşən “Ağ xaç” kilsəni ziyarət ediblər.

Ziyarət zamanı icma üzvləri Azərbaycan torpaqlarının azadlığı uğrunda şəhid olan soydaşlarımızın xatirəsinə dualar oxuyub, Allahdan rəhmət diləyiblər.

İcma üzvləri kilsədə dini ayin icra edib, şam yandırıblar.

Qeyd edək ki, tədbir Dini Qurumlarla İş üzrə Dövlət Komitəsinin təşkilatçılığı ilə həyata keçirilir.