Moskvada Yaqub Eyyubovla Paşinyanın müavini sərhəddəki son vəziyyəti müzakirə ediblər - YENİLƏNİB + FOTO

Azərbaycan Baş nazirinin müavini Yaqub Eyyubovla Ermənistan Baş nazirinin müavini Mqer Qriqoryan Moskvada MDB İqtisadi Şurasının 95-ci iclası çərçivəsində ayaqüstü söhbət ediblər.

Bu barədə Mqer Qriqoryanın ofisindən məlumat verilib.

“Bir neçə dəqiqə ayaqüstə davam edən söhbət qeyri-rəsmi formatda olub və Ermənistan-Azərbaycan sərhədində baş verən son hərbi toqquşmalar mövzusunda aparılıb”, - deyə dərc edilən məlumatda qeyd olunub.

15:10

Azərbaycan baş nazirinin müavini Yaqub Eyyubovla Ermənistan baş nazirinin müavini Mqer Qriqoryan ayaqüstü söhbət ediblər.

APA-nın Moskva müxbiri xəbər verir ki, Yaqub Eyyubov və Mqer Qriqoryanın söhbəti Moskvada MDB İqtisadiyyat Şurasının iclası çərçivəsində baş tutub.

MDB İqtisadiyyat Şurasının məhdud formatda keçirilən iclasından sonra fasilə zamanı Yaqub Eyyubov və Mqer Qriqoryan təxminən 4 dəqiqə ayaqüstü söhbət aparıblar.

Daha sonra baş nazir müavinləri MDB İqtisadiyyat Şurasının geniş tərkibdə iclasında iştirak ediblər.