Klaus Yohannis: “Tərəfdaşlığımızı daha da gücləndirmək əzmindəyik”

“Bizim demək olar ki, uzun müzakirəmiz oldu. Lakin hesab edirəm ki, bu, mütləq şəkildə zəruri idi”.

AZƏRTAC xəbər verir ki, bu sözləri Rumıniya Prezidenti Klaus Yohannis Azərbaycan Prezidenti İlham Əliyevlə fevralın 2-də geniş tərkibdə keçirilmiş görüşdə çıxışında söyləyib.

“Hər ikimiz tərəfdaşlığımızı daha da gücləndirmək əzmindəyik və daha yaxşı nəticələr əldə etmək istəyirik”, - deyən Rumıniya Prezıdenti vurğulayıb ki, o azərbaycanlı həmkarı ilə müxtəlif məsələlərlə bağlı fikir mübadiləsi aparıb.