Ceyhun Bayramov İsrailin müdafiə naziri ilə görüşüb - YENİLƏNİB + FOTO/VİDEO
Ceyhun Bayramov İsrailin müdafiə naziri ilə görüşüb - YENİLƏNİB + FOTO/VİDEO
Azərbaycanın xarici işlər naziri Ceyhun Bayramov İsrailə rəsmi səfəri çərçivəsində İsrailin müdafiə naziri Yoav Qallant ilə görüşüb.
Bu barədə Oxu.Az-a Azərbaycan Xarici İşlər Nazirliyindən bildirilib.
Görüşdə iki ölkə arasında müdafiə, hərbi-texniki və digər aidiyyəti sahələr üzrə əməkdaşlıq, o cümlədən regional və beynəlxalq təhlükəsizlik məsələləri müzakirə olunub.
Ceyhun Bayramov Azərbaycan və İsrail arasında müdafiə sahəsində münasibətlərin mövcud əməkdaşlıq gündəliyində müstəsna rolunu diqqətə çatdırıb.
17 fevral 2023-cü il tarixində Azərbaycan Respublikasının Prezidenti İlham Əliyevin Münhen Təhlükəsizlik Konfransında iştirakı çərçivəsində İsrail Dövlətinin müdafiə naziri ilə keçirdiyi görüşə istinad edən Ceyhun Bayramov sıx təmasların, o cümlədən qarşılıqlı səfərlərin münasibətlərin inkişafına mühüm töhfə verdiyini bildirib.
Ceyhun Bayramov həmçinin post-münaqişə dövründə bölgədə mövcud vəziyyət, Azərbaycanın regionda sülh və təhlükəsizliyin bərqərar edilməsi istiqamətində sülh və quruculuq səyləri barədə qarşı tərəfi məlumatlandırıb.
Yoav Qallant iki ölkənin müdafiə, hərbi-texniki sahədə uğurlu əməkdaşlıq təcrübəsinə istinad edərək, bu xüsusda, əməkdaşlığın daha da genişləndirilməsi üçün mövcud potensialdan istifadənin vacibliyini qeyd edib. Qarşılıqlı təmasların davam etdirilməsinin əhəmiyyətli olduğu bildirilib.
15:48
Azərbaycanın xarici işlər naziri Ceyhun Bayramov İsrailin müdafiə naziri Yoav Qalantla görüşüb.
Bunu İsrailin Azərbaycandakı səfiri Corc Dik “Twitter” hesabında yazıb.
O bildirib ki, nazirlər iki ölkə arasında strateji əlaqələrin genişləndirilməsini müzakirə ediblər.
Y.Qalant da “Twitter” hesabında C.Bayramovla görüşü barədə paylaşım edib.
O bildirib ki, C.Bayramovla ikitərəfli əlaqələri müzakirə edib.
“Mən səfirliyin açılmasını həm müdafiə, həm də mülki sahədə əməkdaşlığımızın daha da genişləndirilməsi üçün ilk addım kimi qiymətləndirdim”, - Y.Qalant vurğulayıb.
A friendly and productive meeting today between Azerbaijani Foreign Minister @Bayramov_Jeyhun and Israeli Defense Minister @yoavgallant, in which the ministers discussed the expansion of our strategic relations🇮🇱🇦🇿 pic.twitter.com/tT5cRwQopr
— George Deek (@GeorgeDeek) March 29, 2023
It was a pleasure meeting with the Minister of Foreign Affairs of Azerbaijan, @Bayramov_Jeyhun for a discussion on the close ties between our countries. I welcomed the opening of the embassy as a first step to further expanding our cooperation in both defense and civilian areas. pic.twitter.com/qxXZ4a2shd
— יואב גלנט (@yoavgallant) March 29, 2023