“Cırtdanlar” animasiya filminin nümayişi baş tutub – VİDEO
“Cırtdanlar” animasiya filminin nümayişi baş tutub – VİDEO
Premium kinoteatrlar şəbəkəsi “CinemaPlus”da 2018-ci ildə “Cinemazadeh” studiyasında Azərbaycan dilində peşəkar dublyaj olunmuş “Cırtdanlar” Kanada animasiya filminin nümayişi baş tutub.
Oxu.Az xəbər verir ki, dublyaj redaktoru Vüqar Hüseynov, rejissoru Rövşən Məmmədli, səs rejisoru Orxan Həsənli və Azad Vəliyev, tərcüməçi Xumar Quluzadə, post prodakşn Vüqar İslamzadə, baş prodüseri Cəfər Axundzadə olub.
Filmi səsləndiriblər: Oksana Rəsulova, Əlixan Rəcəbov, Valeh Kərimov, Rövşən Məmmədli, Kamran Ağabalayev, Həlimə Axundzadə, Xumar Quluzadə, Xətai Əli, Səid Nizami, Ülfət Bəşir, Sevda Bıyık.
Ailəvi komediya cizgi filminin rejissorları Peter Lepeniotis və Shelly Shenoydur.
Film haqqında qısa məlumat: Qədim evə köçərkən heç kim bu böyük evin özündə “kiçik” sirlər gizlədiyini ağlına belə gətirə bilməzdi. Burada əsrlər boyunca yaşamış bağ qnomları dünyamızı zülümkar troqqlardan qorumuşlar. İnsanların isə başqa seçimi yoxdur – onlar bu böyük savaşa qoşulmalıdırlar.
“CinemaPlus” kinoteatrlar şəbəkəsi hər zaman sizlərə xoş sürprizlər etmək və kino dünyasında olan ən yaxşı premyeralarla sevindirməyə hazırdır.