16 
Apr
2018
13:45
197
63
11397
Virtual karabakh

Tam yenilənmiş “lüks sedan Lexus LS” Bakıda təqdim olundu - FOTO

16 Apr, 2018
13:45
11397

Tam yenilənmiş “lüks sedan Lexus LS” Bakıda təqdim olundu - FOTO

Bizim WhatsApp kanalımıza buradan abunə ola bilərsiniz

“Lexus” markasının əsas simvollarından biri sayılan “LS lüks sedan” sinfinin yeni modeli Bakıda təqdim olundu. Avtomobilin üstünlüklərini hələ ötən ildən anons edən Yaponiyanın premium avtomobil brendi verdiyi vədi tutdu: 5-ci nəsil “LS” indi daha dinamik və şıq, daha komfortlu və daha təhlükəsizdir. 

“Buta Palace”-da təşkil olunan təntənəli təqdimat mərasiminə “Lexus” şirkətinin regional nümayəndə heyətləri, müxtəlif biznes sahələrinin rəhbərləri, yerli jurnalistlər və brendin yeniliklərini diqqət mərkəzində saxlayanlar iştirak etdilər.

Təqdimatın rəsmi açılış hissəsində qonaqları salamlayan “Toyota Qafqaz” şirkətinin rəhbəri Mitsuru Konişi bildirdi ki, təxminən 30 il əvvəl yaponlar dünyanın ən yaxşı avtomobilini yaratmaq qərarına gəldilər. Bu avtomobil həm mühəndislik şedevri olmalı, həm də  öz sahibinə mükəmməl idarəetmə təcrübəsi yaşatmalı idi.

Onun sözlərinə görə, bu avtomobil məhz “Lexus LS” oldu. “LS, Lexus brendinin başlanğıcıdır” deyən Mitsuru Konişi rahatlıq, ən son təhlükəsizlik texnologiyaları və daha yaxşı sürücülük təcrübəsini özündə birləşdirən bu modeldən qürur duyduqlarını bəyan etdi.  

Tədbirin qeyri-rəsmi hissəsi Ukraynanın məşhur pop-ifaçısı, Avroviziya mahnı müsabiqəsinin iştirakçısı Ani Lorakın səhnəyə dəvət olunması ilə davam etdi. Azərbaycanda da çox tanınan ifaçının hit mahnıları zalda “Lexus”-un tədbirlərinə xas olan xoş ovqatlı ortam yaratdı. Və bunun ardınca da tədbirin əsas məqsədi – “LS”-in təqdimat anı yetişdi. İlkin tanışlıq olaraq qonaqlar üçün “LS”-in yeni modelinin üstünlüklərini əks etdirən xüsusi hazırlanmış videorolik nümayiş olundu.

Böyük təəssürat oyadan nümayişdən həmən sonra yenilənmiş və brendin dinamik inkişafında yeni cığır açan “LS” nəhayət ki, gur rəngarəng işıqlar və xüsusi səs effektləri altında zaldakıların ixtiyarına verildi.

Yeni “LS” iddialı və cəsur dizaynı ilə Lexus brendinin yeni simasını təmsil edir.  Bu modeldə klassik “lüks sedan” tərzi daha fərqli mərhələyə yüksəlib: istər eksteryerdə, istərsə də interyerdə ənənəvi yapon estetikasının ən yaxşı ənənələri, son texnologiya və modern dizayn məharətlə sintez olunub. “Lexus” avtomobillərinin özünəməxsus özəlliyi olan ön radiator qəfəsi “LS”-in korpusunda daha qabarıq vurğulanıb və axıcı relyefin əsasını təşkil edir.

Geniş salonun yeni oturacaqlarında “Lexus”-un “Omotenashi” qonaqpərvərlik fəlsəfəsi diqqət çəkir. Ön oturacaq 28, arxa oturacaq 22 fərqli şəkildə tənzimlənir və bu da “LS”-i öz seqmentində ən yaxşı avtomobillərdən birinə çevirir.  Yapon masaj ustalarının tövsiyələri əsasında kreslolarda “Shiatsu” masaj sistemi yaradılıb. Yeni “LS”-in salonu xüsusi səssizliyi ilə fərqlənir. Aktiv Səs Nəzarəti mühərrik səsi salona girdiyi anda əks tezlikli səs vasitəsilə onu tənzimləyir.  

Tədbirə ənənəvi olaraq yeni model ilə daha yaxından tanış olması üçün bütün arzu edənlərin səhnəyə dəvət edilməsi ilə yekun vuruldu. “Lüks sedan” seqmentinin aparıcı modellərindən biri kimi tanınan “LS” avtomobilini qonaqlar böyük maraqla izlədilər. Tədbirə gələnlər sedanın həm şıq eksteryeri, həm də premium salon interyeri ilə xüsusi diqqətlə tanış oldular. Avtomobilin texniki göstəriciləri isə tanışlıq prosesində əsas mövzulardan biri oldu.   

“Lexus”-un yeni modelləri barədə ətraflı məlumat almaq üçün www.lexus.az saytını ziyarət edə bilərsiniz.

Əlaqə telefonu: (0 12) 490 50 50  

www.oxu.az

Bizimlə əlaqə saxlayın

Digər Avto-Moto xəbərləri