20 
Avq
2021
09:50
25
74
2142
Virtual karabakh

“Azercell Telecom” MMC 2021-ci il üzrə “STEVİE” Beynəlxalq Biznes Mükafatlarının qızıl laureatı oldu

20 Avq, 2021
09:50
2142

“Azercell Telecom” MMC 2021-ci il üzrə “STEVİE” Beynəlxalq Biznes Mükafatlarının qızıl laureatı oldu

Bizim WhatsApp kanalımıza buradan abunə ola bilərsiniz

“Azercell Telecom” MMC Əşyaların İnterneti (IoT) texnologiyaları əsasında az enerji tələbatlı sensorlar konsepsiyasının tətbiq olunması üzrə hazırlıq səviyyəsinə görə 18-ci Stevie Beynəlxalq Biznes Mükafatlarında “İlin ən innovativ şirkəti” nominasiyasında qızıl mükafata layiq görüldü. 

“Azercell” bu konsepsiyanı Azərbaycanda həyata keçirən ilk şirkətdir. Mobil operatorlar bu tipli sensor və qurğuları dəstəkləmək üçün LTE şəbəkəsində “az enerji tələbatlı genişmiqyaslı şəbəkə” (NB-IoT – Narrow-Band Internet of Things) funksiyasını təklif edir. “Azercell Telekom” da bu imkanı şəbəkəsinə tətbiq edərək lazımi sınaq testlərini keçirib, abunəçilərinə xidmət və əməkdaşlığa hazır vəziyyətə gətirib.

Şirkətin bu təşəbbüsü IoT-nin verdiyi imkanlar əsasında insanlara daha rahat və “ağıllı” mühitdə yaşamaq və işləmək imkanı yaradan bir texnologiya ərsəyə gətirdiyinə görə münsiflər heyəti tərəfindən yüksək nailiyyət kimi dəyərləndirilib. Beynəlxalq münsiflər heyətinin verdiyi yüksək qiymətə münasibət bildirən “Azercell Telecom” MMC-nin prezidenti Zərinə Zeynalova qeyd edib ki, böyük şəhərlərlə yanaşı, kiçik kəndlərdə də texnologiyalara rahat çıxış imkanının yaradılması şirkətin əsas prioritetləri sırasındadır. Z.Zeynalova həmçinin bildirib ki, “Azercell” IoT texnologiyalarının tətbiqi istiqamətində dövlətə dəstək verməyə hazırdır. Buraya xüsusilə “Ağıllı Şəhər” və “Ağıllı Kənd” dövlət proqramları çərçivəsində Qarabağda işğaldan azad olunmuş torpaqlarda müvafiq texnologiyanın tətbiqi daxildir.

“Stevie” Mükafatı qalibləri iyun ayından avqust ayının əvvəlinə qədər davam edən qiymətləndirmə prosesində iştirak edən dünyanın 260-dan çox nüfuzlu idarəçilərin ortalama balları əsasında müəyyən olunub. Bu il demək olar ki, bütün sahələrdə fəaliyyət göstərən və müxtəlif miqyasda olan müəssisələr tərəfindən müxtəlif nominasiyalara 3,700-dən artıq layihə təqdim olunub.

Qeyd edək ki, aparıcı mobil operator ötən il nüfuzlu Beynəlxalq “STEVIE” mükafatının 3-qat qalibi olub. Şirkət yüzlərlə müəssisə arasından “İlin telekommunikasiya şirkəti” adına layiq görülərək Qızıl mükafat qazanıb. “Azercell” eyni zamanda “İlin ən innovativ şirkəti” və “Ən dəyərli korporativ məsuliyyətli şirkət” nominasiyaları üzrə bürünc mükafat əldə edib. 

Beynəlxalq Biznes Mükafatları dünyanın nüfuzlu biznes mükafatları proqramıdır. Müxtəlif illərdə “Google”, “Microsoft Corporation”, “Türk Telecom”, “Vodafon Türkiyə”, “Etisalat”, “Dell Technologies”, “Mayersk Company”, “HP Inc.”, UNESCO ICHCAP, IBM və s. nüfuzlu şirkətlər bu beynəlxalq müsabiqədə iştirak edib qalib seçilənlər sırasındadır.

Hazırda davam edən COVID-19 pandemiyası səbəbindən qaliblərin mükafatlandırma mərasimi dekabrda virtual virtual şəkildə baş tutacaq.

Bizimlə əlaqə saxlayın

Digər İKT xəbərləri