Ağ şəhər layihəsinin möhtəşəm yaşayış kompleksi: “Twin Towers” - FOTO

Son zamanlar Bakı şəhərində ən diqqətçəkən layihələrdən biri də Bakı Ağ Şəhər şəhərsalma layihəsidir. Beynəlxalq mükafatların qalibi olmuş Bakı Ağ Şəhər haqlı olaraq şəhərsalma sahəsində dünyanın ən görkəmli layihələrindən biri hesab olunur. Bu şəhər kompleksi nəinki müasir və rahat binaları ilə, həmçinin öz səmərəliliyi ilə gözəl təsir bağışlayır. 

Bu layihəyə özünəməxsus gözəllik bəxş edən “Bobo Contruiction” tərəfindən inşası həyata keçirilən “Twin Towers” yaşayış kompleksi dəniz səviyyəsindən 25 metr yüksəklikdə, Ağ Şəhərin tam mərkəzində yerləşir. Sözügedən layihənin mənzillərindən Bayraq meydanına, sahilyanı əraziyə, Bakı buxtasına və dənizə ecazkar mənzərə açılır.

Kompleksin 293 avtomaşınlıq yeraltı dayanacağı var və yeraltı parkinqdən liftlə çıxış təmin ediləcək. Ən müasir texnologiyalar əsasında hazırlanmış 2 ədəd yükqaldırma, sərnişin və 1 ədəd xidməti lift quraşdırılacaq. Mərtəbələr arası pilləkənlər və pilləkən meydançaları mərmərlə üzlənəcək. Bütün mənzillərdə tavanın hündürlüyü 3,45 metr olaraq layihələndirilib. Kompleksdə 24 saat su təchizatı və ehtiyat su çənləri ilə də təmin ediləcək. Elektrik təminatı mərkəzləşdirilmiş formada həyata keçiriləcək və kompleks generatorla da təchiz ediləcək.

Binalarda qazlaşdırma olacaq və istilik sistemi üçün fərdi kombi şəbəkəsi quraşdırılacaq.

Rəqəmsal TV, internet, telefon, yanğın təhlükəsizliyi sistemi, 24 saat mühafizə və müşahidə kameraları, mərtəbələrdə kondisionerlərin xarici bölmələri, həmçinin kombi üçün ventilyasiya olunan xüsusi servis eyvanları, hər mərtəbəyə çıxışı olan və özuyuyulan müasir zibil borusu da kompleksin üstünlüklərindəndir.

Məktəb, ticarət, müasir idman salonu, spa və digər istirahət yerləri isə “Twin Towers” yaşayış kompleksinin bir addımlığındadır.

Kompleksdən çıxaraq 8 Noyabr, Babək, Neftçilər və Heydər Əliyev prospekti ilə şəhərin istənilən nöqtəsinə rahat çata bilərsiniz.

Xatırladaq ki, Bakı Metropoliteninin Xətai stansiyası da şəhərin istənilən hissəsinə getmək üçün böyük üstünlük verir. Hazırda metronun tikintisi həyata keçirilən “Yaşıl xətt”i üzərində olan stansiyalardan biri də Ağ Şəhərdə yerləşəcək.

“Twin Towers” yaşayış kompleksində mənzillər müasir tələblərə uyğun şəkildə layihələndirilib. Mənzillər böyük hollar, işıqlı qonaq otaqları, geniş mətbəxlər, rahat yataq və vanna otaqlarından ibarət olacaq.

Layihə haqqında daha ətraflı məlumat üçün əlavə edilmiş fotolara baxa bilərsiniz.