30 
Sen
2022
16:58
27
78
836
Virtual karabakh

“Atəşgah” Sığorta əməkdaşları IDEA Heyvanlara Qayğı Mərkəzinə ekskursiya ediblər - FOTO

30 Sen, 2022
16:58
836

“Atəşgah” Sığorta əməkdaşları IDEA Heyvanlara Qayğı Mərkəzinə ekskursiya ediblər - FOTO

“Atəşgah” Sığorta “4 ayaqlı dostlarımıza dəstək” sosial layihəsi çərçivəsində növbəti addım atıb. 
Belə ki, IDEA Heyvanlara Qayğı Mərkəzinə ekskursiya edilib, mərkəzdə mühafizə olunan 4 ayaqlı dostlarımız ziyarət edilib və yemlə təmin olunublar.

Ekskursiya zamanı 2017-ci ildən rəsmi fəaliyyətə başlamış IDEA Heyvanlara Qayğı Mərkəzinin yaranması haqqında məlumat verilib.

Daha sonra Mərkəzdə müasir avadanlıqla təchiz olunmuş klinika, it və pişiklər üçün sığınacaq və karantin blokları, himayə bölməsi, heyvan mehmanxanası və salonu barədə məlumat verilməklə hər bir obyektin təqdimatı olub.

Xatırladaq ki, “4 ayaqlı dostlarımıza dəstək” 2022-ci ilin əvvəlindən start götürən korporativ sosial məsuliyyət layihəsi idi və silsilə tədbirlərlə davam etdiriləcəyi bildirilmişdi. Layihənin ilk mərhələsi çərçivəsində sahibsiz küçə heyvanları üçün evciklər hazırlanmış və bu evciklər yemlik qabları və yemlə təmin olunmuşdu. Evciklərin biri “Atəşgah” Sığorta Qrupunun Baş ofisi qarşısında, digər evciklər isə şəhərin müxtəlif məkanlarında yerləşdirilib.

Cəmiyyətə, ətraf-mühitə faydalı addımlar atmaq, sosial məsuliyyətlərimizi dərk etməyin hər bir şəxsin və toplumun borcu olduğunu iddia edən “Atəşgah” Sığorta Şirkəti bugünədək sosial məsuliyyətlərinə diqqətli yanaşmış, növbəti fəaliyyət dövrü ərzində də bunu davam etdirəcəyi barədə açıqlama edib.

Qeyd edək ki, yüksək etibarlılıq imicinə malik olan “Atəşgah” Sığorta Şirkəti 1996-cı ildən, “Atəşgah Həyat” Sığorta Şirkəti isə 2008-ci ildən fəaliyyət göstərir.

Bizimlə əlaqə saxlayın

Digər Reklam xəbərləri