25 
Yan
2023
10:56
26
56
622
Virtual karabakh

“TuranBank” 2022-ci ilin IV rübünü 1,9 milyon manat xalis mənfəətlə başa vurub

25 Yan, 2023
10:56
622

“TuranBank” 2022-ci ilin IV rübünü 1,9 milyon manat xalis mənfəətlə başa vurub

Bizim WhatsApp kanalımıza buradan abunə ola bilərsiniz

Ölkənin aparıcı banklarından biri olan “TuranBank” ASC 2022-ci ilin yekunlarına əsasən maliyyə göstəriciləri üzrə bazar mövqeyini qoruyub saxlayıb. Real sektorun dəstəklənməsi istiqamətində aktiv fəaliyyətini davam etdirən Bank ötən ilin sonunu 1,9 mln. manat xalis mənfəətlə başa vurub.

2022-ci ilin yekunlarına görə, “TuranBank” ASC-nin cəmi aktivləri ötən ilin analoji dövrü ilə müqayisədə 14,8% və ya 105,9 mln. manat artaraq 820,8 mln. manat, o cümlədən müştərilərə verilmiş kreditlər 25,7% və ya 112,1 mln. manat artaraq 548,5 mln. manat təşkil edib. Daim etibarlılıq prinsiplərinə sadiq qalan “TuranBank”ın depozitlərinin həcmində də artım müşahidə olunub. Belə ki, 2022-ci ilin sonuna cəmi depozit portfeli keçən ilin müvafiq dövrü ilə müqayisədə 2,8% və ya 11,8 mln. manat artaraq 429,3 mln. manat, fiziki şəxslərin depozitləri isə 27,3% və ya 70,3 mln. manat artaraq 327,9 mln. manat təşkil edib. Bank davamlı inkişaf üçün kifayət qədər yüksək kapital ehtiyatına malikdir.

2022-ci il IV rübü ərzində Bank real sektorun dəstəklənməsi istiqamətində də Beynəlxalq maliyyə institutları ilə aktiv fəaliyyətini davam edib. Belə ki, “TuranBank” ilə nüfuzlu maliyyə qurumu Incofin İnvestisiya Fondu arasında Mikro, Kiçik və Orta sahibkarlığın (MKOS) maliyyələşdirilməsini genişləndirmək məqsədilə 5 milyon ABŞ dolları həcmində kredit sazişi imzalanıb. Məlumat üçün bildirək ki, 2022-ci il ərzində “TuranBank” institusional inkişaf və biznes subyektlərinin maliyyələşdirilməsi üzrə kredit xətlərinin cəlb edilməsi istiqamətində digər beynəlxalq maliyyə qurumları ilə də əməkdaşlıq əlaqələrini uğurla inkişaf etdirib. Bank Qara Dəniz Ticarət və İnkişaf Bankı (BSTDB), Beynəlxalq Maliyyə Korporasiyası (İFC), Avropa Yenidənqurma və İnkişaf Bankı (EBRD), Özəl Sektorun İnkişafı üzrə İslam Korporasiyası (ICD), EMF Mikromaliyyə Fondu, ECO Ticarət və İnkişaf Bankı (ECO TDB), Sparkassenstiftung və s. kimi nüfuzlu maliyyə təşkilatları ilə Kiçik və Orta sahibkarlıq layihələri üzrə birgə əməkdaşlıq edərək qeyri-neft sektorunun davamlı inkişafına ciddi dəstək olub.

1992-ci ildən etibarən fəaliyyət göstərən “TuranBank” 19 satış nöqtəsi ilə fərdi və korporativ müştərilərin xidmətindədir. “TuranBank”ın ölkə üzrə xidmət şəbəkəsi haqqında ətraflı məlumatı keçidə daxil olaraq əldə edə bilərsiniz. Bankın təqdim etdiyi məhsul və xidmətlərlə bağlı ətraflı məlumatı (012) 935 Məlumat Mərkəzinə zəng edərək, “TuranBank”ın rəsmi veb-səhifəsini və ya sosial şəbəkələrdəki (“Facebook”, “Instagram”, və.s) səhifələrini izləyərək əldə edə bilərsiniz.

Bizimlə əlaqə saxlayın

Digər Reklam xəbərləri