“Maşın” şounun qalibi məlum oldu – YENİLƏNİB + FOTO + VİDEO
“Maşın” şounun qalibi məlum oldu – YENİLƏNİB + FOTO + VİDEO
Xəbər verdiyimiz kimi, “Maşın” realiti şounun 14-cü sürəti olan “Qarşıdurma” sona çatıb.
Oxu.Az xəbər verir ki, çox gərgin mübarizə, yuxusuz gecələr, ac və susuz vəziyyətdə saatlarla avtomobil ətrafında dayanan tanınmışların sırasından finala qalan üçlük rəqqasə Oksana Rəsulova, aktyorlar Elcan Rəsulov və İslam Mehrəliyev olub. Dünən baş tutan final gecəsində avtomobili İslam Mehrəliyev qazanıb.
Video və fotoları təqdim edirik.
15.06.2017, 23.30
Hazırda ATV-də canlı yayımlanan “Maşın” şouda aparıcı, Əməkdar artist Murad Dadaşov qalibin artıq məlum olduğunu söyləyib, lakin onun adının proqramın sonunda açıqlanacağını vurğulayıb.
Oxu.Az xəbər verir ki, verilişə qonaq kimi dəvət olunan, şounu tərk edən iştirakçı, müğənni Üzeyir Mehdizadə isə bilməyərəkdən realiti şounun qalibinin İslam Mehrəliyev olduğunu bu dəqiqələrdə proqramda elan edib.
Beləliklə, finala qalan Elcan Rəsulov avtomobili qazana bilməyib.