Məhkəmə Fədayə Laçınla bağlı qərar verdi
Məhkəmə Fədayə Laçınla bağlı qərar verdi
İki məhbusun qaçmasına kömək etməkdə təqsirləndirilərək, həbs edilən müğənni Fədayə Laçının həbs müddəti yenidən uzadılıb.
Bu barədə Oxu.Az-a açıqlamasında F.Laçının vəkili Türkel Süleymanlı bildirib.
Nəsimi rayon Məhkəməsinin qərarı ilə müğənninin həbs müddəti daha üç ay artırılıb.
Qeyd edək ki, bu il oktyabrın 23-də Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, Cinayət Məcəlləsinin müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
Qaçan məhbuslardan Əli Ağami bir neçə gün sonra Şirvan şəhərində tutulub. E. Məmmədov isə keçirilən əməliyyat zamanı hüquq-mühafizə orqanlarının əməkdaşları tərəfindən öldürülüb.
Məhkumların qaçmasına yardım etməkdə təqsirləndirilən üç nəfər saxlanılıb. Onlardan biri tanınmış müğənni Fədayə Laçındır. Fədayə Laçınla yanaşı, Məhəmməd Hacıyev və Günay Atakişiyeva barəsində həbs-qətimkan tədbiri seçilib.