“Qotti” – italyan mafiyası “CinemaPlus”da - FOTO/VİDEO
“Qotti” – italyan mafiyası “CinemaPlus”da - FOTO/VİDEO
“Gənclik Mall” TM-də yerləşən “CinemaPlus” premium kinoteatrında məşhur italiyalı kriminal avtoritet Con Qottinin bioqrafiyası əsasında ABŞ istehsalı olan “Qotti kodeksi” qanqster dram filminin nümayişi keçirilib.
Film Qotti ailəsinə və onların ölümcül təhlükə, satqınlıq və günahın bağışlanması hökmranlıq edən aləmlərinə daxildən baxmaq üçün ilk ciddi kino cəhdidir.
“Qotti kodeksi” filmi 2018-ci ildə “Cinemazadeh” studiyasında peşəkar Azərbaycan dilinə dublyaj olunaraq hazırlanıb.
“Cinemazadeh” dublyaj studiyasının direktoru Cəfər Axundzadə filmdən öncə dublyaj prosesində iştirak edən aktyorlara və yaradıcı heyətə minnətdarlığını bildirib.
Filmi Azərbaycan dilində Vüsal Hacıqədir, Kazım Abdullayev, Vüsal Məmmədov, Cəlal Məmmədov, Vüsal Murtuzəliyev, Rövşən Məmmədov, Səid Məmmədov, Nəzakət Şahbazi, Zemfira Əbdülsəmədova, Ramil Zeynalov, Raksana Vəliyeva, Elçin Muradov, Vüqar Hüseynov, Adəm Əliyaroğlu, Səid Məmmədli səsləndiriblər.
Dublyajın redaktoru Vüqar Hüseynov, rejissoru Rövşən Məmmədli, səs rejissoru Natiq Şəkərəliyev, səs operatoru Vüsal Əbdülhəsənov, post prodakşn supervayzeri Vüqar İslamzadə, icraçı prodüseri Emil Davudzadə, baş prodüseri Cəfər Axundzadədir.
Ekran əsərin rejissoru Kevin Konnollidir. Baş rolları Con Travolta, Spenser Rokko Lofranso və Kelli Preston ifa edirlər.
Filmin süjet xəttinə görə, Con Qotti öz kriminal karyerasına ən sadə tapşırıqlarla başlayır və kriminal aləmin ən nüfuzlu şəxsinə, ABŞ-ın xaç atasına çevrilir. Onun klanı Nyu-Yorkun ən varlı klanlarından hesab olunur: maddi rifah və hakimiyyət onlar üçün bütün mənəvi dəyərlərdən üstün sayılır.
Amma bir gün Qotti bu işi öz varisinə - oğluna ötürərkən rədd cavabı alır – oğlu kriminal aləmə baş qoşmaq istəmir. Bəs görəsən, Qambino klanını məhv olma təhlükəsi gözlədiyi halda, o, necə davranacaq?
Tədbirin təşkilinə “Cinemazadeh” dublyaj studiyası, “Cinema Distribution” və “Coca-Cola” dəstək olub.
“CinemaPlus” kinoteatrlar şəbəkəsi hər zaman sizlərə xoş sürprizlər etmək və kino dünyasında olan ən son premyeralarla sevindirməyə hazırdır!
