Zamiq on üç illik istəyini reallaşdırır - VİDEO

Müğənni Zamiq Hüseynov solo konsert vermək qərarına gəlib.  

Oxu.Az xəbər verir ki, sənətçi “Instagram”da izləyicilərinə sual ünvanlayaraq, tezliklə konsert vermək istədiyini bildirib:

“Dostlar, deyirəm bəlkə, gözəl bir konsert edək? Nə deyirsiniz, məni dəstəkləyirsiniz? Sizin dəstəyiniz vacibdir”. 

Zamiqin yeni klipi müzakirə yaratdı: Dua Lipadan oğurlanıb - FOTO/VİDEO

Hələlik məkan və tarix barədə dəqiq məlumat verilməsə də, konsertin ilin əvvəlində Bakıda reallaşacağı qeyd olunub.  

Xatırladaq ki, Zamiq sonuncu dəfə mayın 5-də Naxçıvan şəhərində yerləşən Heydər Əliyev Sarayında solo konsert verib. 

Qeyd edək ki, bu, müğənninin səhnəyə gəldiyi gündən Bakıda verəcəyi ən böyük solo konsert olacaq.

Pərviz Hüseyn
www.oxu.az