Nura Suri Çingiz Mustafayevə görə efirdə ağladı - VİDEO

Müğənni Nura Suri “Hədəfdə mən” layihəsinin qonağı olub.

Oxu.Az xəbər verir ki, sənətçiyə “Başqa bir karyera seçsəydiniz, bu, nə olardı?”, - deyə sual verilib.

Müğənni isə jurnalist olmaq istədiyini deyib və ağlayıb.

“Çingiz Mustafayevin fanatı olmuşam. Jurnalist olmaq istərdim. Amma onun kimi jurnalist. Çingiz haqda danışanda istər-istəməz gözüm dolur, özümdən asılı deyil”, - deyə ifaçı bildirib.

Qeyd edək ki, Çingiz Mustafayev azərbaycanlı jurnalist, Qarabağ müharibəsi şəhidi, Azərbaycanın Milli Qəhrəmanıdır.

1983-cü ildə dünyada ilk dəfə olaraq Azərbaycan dilində “Dünənki keçdi” rep janrlı mahnını səsləndirib.

Çingiz Mustafayevin Xocalı soyqırımı haqda çəkdiyi sənədli filmlə Ermənistanın reputasiyası bütün dünyada ciddi sarsıntıya məruz qalıb. O, 1992-ci ilin iyun ayının 15-də Xocalı rayonunun Naxçıvanlı kəndində çəkiliş zamanı aldığı mərmi qəlpəsindən həlak olub.

Pərviz Hüseyn
www.oxu.az