Dek
2018
12:40
58
149
17372
Virtual karabakh

Nərgiz Cəlilova: 25 il sonra mənə evlilik təklif etdi - VİDEO

4 Dek, 2018
12:40
17372

Nərgiz Cəlilova: 25 il sonra mənə evlilik təklif etdi - VİDEO

Bizim WhatsApp kanalımıza buradan abunə ola bilərsiniz

Əməkdar artist Nərgiz Cəlilova ilk dəfə şəxsi həyatı ilə bağlı maraqlı açıqlama verib. 

Oxu.Az Axşam.Az-a istinadən xəbər verir ki, “Etiraf” adlı videolayihəsinə qonaq olan aparıcı həyat yoldaşından bəhs edib:

“İnstitutun birinci kursunda oxuyanda tələbə yoldaşımla tanış oldum, saf dostluq münasibətimiz başladı. Qərar verdik ki, dördüncü kursda nişanlanaq, bitirəndən sonra isə evlənək. Onu dördüncü kursda tələbə düşərgəsinə göndərdilər. Qayıdandan sonra dəyişildiyini hiss etdim, münasibətləri davam etdirə bilmədik və ayrıldıq. Acılı ayrılıq idi, amma o zaman bu, tələb olunurdu.

Bir neçə ay keçəndən sonra televiziyada çalışmağa başladım, həmin şəxs isə elmi işlər görürdü. Bir gün mənə zəng gəldi, bu zəng həmin tələbə yoldaşımdan idi. Etiraf edirəm ki, ayrıldığımız illər ərzində səbirsizliklə onun zəngini gözləyirdim.

Telefonda dedi ki, mənimlə görüşmək istəyir. Görüşdük və mənə evlilik təklifi etdi. Əvvəlcə razılaşdım, adət-ənənələrə uyğun olaraq elçi gəldilər. Bir neçə gün keçdikdən sonra düşündüm və hiss etdim ki, daha əvvəlki duyğuları yaşaya bilmirəm. Bunu ona izah etdim, razılaşdıq və yenə də ayrıldıq. Sonra ailə qurdum, qızım dünyaya gəldi. O da evləndi, əkizləri oldu, ABŞ-a köçdü.

Üstündən 25 il keçdi. Günün birində mənə yenə zəng gəldi. O dövrdə mən də, o da öz həyat yoldaşlarımızdan ayrılmışdıq. İkimiz də subay idik. 25 ildən sonra o, yenə də evlilik təklif etdi. Təbii ki, razılıq vermədim. Çünki axar suya ikinci dəfə girmək mümkün deyil.

Bu, mənim xasiyyətimdir. Bir neçə il keçdikdən sonra o, ikinci dəfə evləndi, mən isə hələ də təkəm. Hərdən fikirləşirəm ki, ilk məhəbbətim məni rahat buraxmadı”.

www.oxu.az

Oxu.Az yeniləndi!

ANDROID əməliyyat sistemli smartfonlar

iOS əməliyyat sistemli smartfonlar

Bizimlə əlaqə saxlayın

Digər Şou-biznes xəbərləri