Natavan Həbibi: Qız anası olmaq istəyirəm - VİDEO

Məşhur müğənni Natavan Həbibinin ana olması xəbəri şəhərə ildırım sürəti ilə yayıldı. Kimi bu xəbərin yalan olduğunu, kimi də “od olmayan yerdə tüstü çıxmaz” sözləri ilə məlumatın doğruluğundan danışdı. Haqqında gəzib dolaşan bütün söz-söhbətlərə aydınlıq gətirmək üçün Natavan “ATV maqazin 10larla” verilişində kamera önünə keçərək, açdı sandığı tökdü pambığı. 

Oxu.Az xəbər verir ki, sənətçi ana olmaq xəbərini eşidəndə həm özü, həmdə həyat yoldaşı reper Səid Əliyev (Dado) şoka düşüb:

“Bu başqa cürə sevincdir. Başqa bir xəbər idi. Bizim üçün yaxşı şok idi”.

Sənətçidən ən çox soruşulan sual isə oğul yoxsa qız dünyaya gətirməsidir.

“Həkimlər özləri də bizi çaş-baş qoyublar, gah deyillər oğlandır, gah da deyillər görsənmir. Səid oğlan, mən isə qızımın olmasını arzulayıram. Əgər oğlan olsa qoy Səidin özünə oxşasın”, - deyə o bildirib.