Mehriban Xanlarova “yaxşı oğlan”ın bacısı haqda yazdı
Mehriban Xanlarova “yaxşı oğlan”ın bacısı haqda yazdı
Əməkdar artist Mehriban Xanlarova Instagram hesabındakı statusu ilə gündəmin episentrinə düşüb.
Oxu.Az xəbər verir ki, sənətçinin məsləhət olaraq yazdığı status izləyicilər tərəfindən birmənalı qarşılanmayıb.
M.Xanlarova fotosunu paylaşaraq bu şərhi yazıb:
“Tanımadığın qıza heç vaxt ilişmə. Kiminsə yanında fərqli olmaq üçün o qızı “tema” olaraq istifadə edib, artıq - əskik söhbətlər etmə. Ola bilsin o qız yaxının deyil, dostlarından kiminsə bacısı deyil. Amma hansısa yaxşı oğlanın bacısı ola bilər və ən əsası isə o qızdan sənin evində də var. Evində yoxdursa, dayıngildə var, dayıngildə yoxdursa, əmingildə var, əmingildə yoxdursa, xalangildə var. Mütləq nəslində var... Buna görə də, hansısa qızın haqqında artıq - əskik danışmadan bunları düşünün”.
Sosial şəbəkələrdə Əməkdar artistin “kriminal aləm”in üzvləri kimi danışdığınını qeyd ediblər.
Mehriban Xanlarova Oxu.Az-a sözügedən mövzuda açıqlama verib:
“Mən şəxsən belə düşünürəm. Öz fikirlərimi isə açıq şəkildə izah etmişəm. İndi yoldayam çox danışa bilirəm”.
Qeyd edək ki, müğənni bir müddət öncə ATV kanalında yayımlanan “Bizimləsən” verlişində açıqlaması ilə hər kəsi təəcübləndirmişdi. Belə ki, o, ana olmaq istədiyini dilə gətirib.
Verilişin aparıcısı Zaur Baxşəliyev isə bildirib ki, M.Xanlarova bunun üçün onların verilişinə müraciət edib.
Aktrisa proqram zamanı ona ünvanlanan suala cavab verərək süni mayalanma ilə övlad dünyaya gətirəcəyini deyib.
Xatırladaq ki, Əməkdar artist bacısı qızını övladlığa götürüb. Onun nəvələri də var.
Qalmaqallı açıqlamaları gündəmdə olan əməkdar artist ARB TV-də aparıcılıq edirdi.
“Canım sizə desin” adlı proqramının aparıcısı olan Mehriban xanımın qonağı sosial şəbəkələrdə məşhurlaşan “Azəri Vandam” ilə verilişdə etdiyi hərəkətlər izləyicilər tərəfindən birmənalı qarşılanmadı.
Aparıcının qonağı ilə birgə şpaqat açaraq “Azəri Vandamı” təqlid etməsi tamaşaçıların xoşuna gəlmədi, və elə bu səbəbdən də sözügedən veriliş kanal rəhbərliyi tərəfindən ötən ilin noyabr ayında bağlandı.