13 
Fev
2019
14:58
53
199
1983
Virtual karabakh

Leninqradın azad olunması münasibətilə Bakıda tədbir keçirilib - FOTO/VİDEO

13 Fev, 2019
14:58
1983

Leninqradın azad olunması münasibətilə Bakıda tədbir keçirilib - FOTO/VİDEO

Bizim WhatsApp kanalımıza buradan abunə ola bilərsiniz

“CinemaPlus”da Leninqradın blokadadan azad olunmasının 75 illiyi münasibətilə tədbir keçirilib.

Oxu.Az xəbər verir ki, “Gənclik Mall” TM-də yerləşən “CinemaPlus” premium kinoteatrında Azərbaycanın Rus İcması ilə birgə Leninqradın (indiki Sankt-Peterburq) blokadadan azad olunmasının 75 illiyinin bayram edilməsi münasibətilə tədbir keçirilib.

Qəhrəman şəhərin sakinlərinin böyük fədakarlığı hər zaman insanların ürəklərində qalacaq. Azərbaycan xalqı həmin qəhrəmanlıq yolunu keçən cəbhəçi-qəhrəmanları və Böyük Vətən müharibəsinin arxa cəbhəsinin əməkçilərini ehtiram edir və xatırlayır.

Tədbirə Leninqradda blokadada qalmış insanlar, Böyük Vətən müharibəsi veteranları, Rus Pravoslav Kilsəsinin nümayəndələri, Rusiya Federasiyasının Azərbaycandakı Səfirliyinin nümayəndələri, Azərbaycanın Rus İcmasının üzvləri və KİV nümayəndələri dəvət olunub.

Qonaqları “CinemaPlus” kinoteatrlar şəbəkəsinin İcitimaiyyətlə Əlaqələr Departamentinin rəhbəri Nərmin Həsənova salamlayıb. Daha sonra Azərbaycan Respublikası Milli Məclisinin deputatı və Azərbaycanın Rus İcmasının sədri Zabelin Mixail Yuryeviç, Rusiya Federasiyanın Azərbaycandakı Səfirliyinin ikinci katibi Naniyeva Alla Borisovna və Azərbaycanın Rus İcmasının əmək və müharibə veteranlarının işləri üzrə kommissiyasının nümayəndəsi Anisimov Dmitriy Vladirmiroviç çıxış edib.

Tədbirin rəsmi hissəsindən sonra “Leninqradı xilas etmək” rus hərbi dramasının nümayişi keçirilib. Film real hadisələr əsasında çəkilib. Filmin rejissoru Aleksey Kozlovdur. Baş rollarda Mariya Melnikova, Andrey Mironov-Udalov və Anastasiya Melnikova çəkilib.

Film haqqında qısaca: Sentyabr 1941-ci il. Gənc sevgililər – Kostya və Nastya məcburiyyətdən blokadada olan Leninqraddan insanları çıxaran barjada hərəkət etməli olurlar. Gecə gəmi fırtınaya düşür və qəzaya uğrayır. Faciə yerində isə xilasedicilər yox, düşmən təyyarələri olur.

 

Bizimlə əlaqə saxlayın

Digər Şou-biznes xəbərləri