15 
Apr
2019
16:14
353
105
10418
Virtual karabakh

Faiq Ağayev: Valideynləri görmür ki, qızları nələr edir? - VİDEO

15 Apr, 2019
16:14
10418

Faiq Ağayev: Valideynləri görmür ki, qızları nələr edir? - VİDEO

Bizim WhatsApp kanalımıza buradan abunə ola bilərsiniz

“Kazbekə şey basım, zırlanım”ın müzakirəsi bitməmiş daha bir bayağı musiqi - “otduşi” ley-pey, bomba kayfda” ortalığa çıxıb. Gənclər kamera önünə keçib, bu “mahnı”nı oxuyub, rəqs edirlər. Daha bir bayağı mahnı və ifa gündəm olub.

Qeyri-sağlam yaşam tərzini mahnılarında əks etdirənlər cəmiyyətin həssas üzvləri - gənclərin mənəviyyatına beləcə zərbələr endirirlər. 

Ziyalılar və sənət adamları tərəfindən ədəbsiz və jarqon ifadələrin yer aldığı mahnılar qınanılsa da, ifaçılar tənqidlərdən nəticə çıxarmaq istəmirlər. 

Oxu.Az-ın əməkdaşı bununla bağlı Xalq artisti Faiq Ağayevin fikirlərini öyrənib. 

O, internetdə bunun qarşısını almağın mümkün olmadığını deyib:

“İndi işimizi-gücümüzü ataq, gedək, o insanların boğazından yapışaq? Alınmır. Biz azad ölkədə yaşayırıq. Tövsiyə oluna bilər ki, televiziya kanallarımız, radiolar bu cür mahnıların yayımını dayandırsın. Elə insanların efirə dəvət olunmasını dayandırsın. Amma azad internetlə nə edəcəksiniz? 

İnsanların daxilində öz senzurası olmalıdır ki, mən bu işə əl atmayım. Bu yaxınlarda narkotiklə bağlı bir mahnı çıxdı və mahnının ifaçısı saxlanıldı. Mən sosial şəbəkədə öz rəyimi yazdım ki yaxşı olardı ki, mahnının aranjimançısı və studiya rəhbəri də məsuliyyətə cəlb olunsun. 

Çünki bu bilavasitə mənəviyyatımıza zərbədir. Deyirlər, hansı xalqı məhv etmək istəyirsinizsə, ilk növbədə onun mənəviyyatından başlayın. Bu kimi ifalar və mahnılar bizim mənəviyyatımızın sıfırlanmasıdır”. 

Xalq artisti gənc qızların bu kimi mahnıları dinləməsini pisləyib, onların valideyinlərinə səslənib:

“Baxıb görürəm ki, bu kimi mahnılara daha çox gənc xanımlar, qızlar qulaq asıb, rəqs edirlər. Mən buna qarşıyam, tamaşaçılarımızın əksəriyyəti də qarşıdır. Bəs bu valideynlər görmürlər ki, onların qızları nələr edir? Narkotikanı təbliğ edən mahnıların sədaları altında qızlar rəqs edir. Demirəm, tutub döysünlər. İzah etsinlər ki, olmaz”. 

Rəşad Əliyev

Bizimlə əlaqə saxlayın

Digər Şou-biznes xəbərləri