29 
İyl
2019
13:33
52
287
4091
Virtual karabakh

“CinemaPlus”da “Jara”: ən ulduzlu komediya filminin nümayişi keçirildi - FOTO/VİDEO

29 İyl, 2019
13:33
4091

“CinemaPlus”da “Jara”: ən ulduzlu komediya filminin nümayişi keçirildi - FOTO/VİDEO

Bizim WhatsApp kanalımıza buradan abunə ola bilərsiniz

İyulun 26-da “CinemaPlus Amburan Mall” premium kinoteatrında “Jara” - ilin ən ulduzlu komediya filminin qapalı premyerası keçirilib.

Filmi ilk izləyənlər oğlu Əli ilə Emin Ağalarov, uşaqları Alla-Viktoriya və Martin ilə Filip Kirkorov, həyat yoldaşı ilə Denis Klyaver, Anita Tsoy, Vadim Vernik, Maqomed Murtazaiev, Aygün Kazımova, Cəfər Axundzadə, Dilarə Kazımova, Səmra Rəhimli, Ceyhun Zeynalov (Jin), Tural Əsədov, Emil Abbasov, həmçinin, “Zhara Music” leyblının baş prodüsseri Bahh Tee və artistləri EL'MAN, Zombi və Ellai olub.

Baş prodüsser müəllifi olaraq Emin Ağalarov bütün qonaqları salamlayıb, kinoya baxaraq yaxşı vaxt keçirməyi arzulayıb və Bakı yayının bənzərsiz ab-havasına və “JARA” festivalının səhnəarxası həyatına dalmağa dəvət edib.

“Belə bir lirik komediyanın ideyası çoxdan fikirlərdə var idi. İstənilən musiqi festivalı miqyaslı hadisədir, yüzlərlə artistlər gəlir və televiziya efirində görünməyən səhnəarxası həyat hər zaman qaynayır. Məhz bu haqda biz təkcə aktyorların iştirakı ilə deyil, həm də real ulduzların iştirakı ilə bədii romantik film çəkmək qərarı verdik”, - deyə Emin süjetin təfərrüatını bölüşüb.

“Team Films” kino şirkətinin çəkiliş komandasına rəhbərlik edən, ideya müəllifi və prodüser Teymur Cəfərov nitq söyləyib. Bundan başqa, kreativ komandaya rejissor Dunya Lisova, quruluşçu rəssam Maksim Alipçenko və quruluşçu operator Vasiliy Rıjkov daxildir.

Filmin çəkilişləri “Jara” beynəlxalq musiqi festivalı çərçivəsində 2018-ci ilin iyul ayında Bakıda baş tutub. Belə bir lokasiyasının və çəkilişlərin vaxt seçimi film yaradıcılarına bir neçə günlük Rusiya və Azərbaycanın əsas ulduzlarını bir araya yığmaq imkanı yaradıb. Buna görə layihəyə cəlb olunan məşhurların sayına görə film rekorda iddia edə bilər.

Çəkilişlərdə Filip Kirkorov, Nikolay Baskov, Qriqoriy Leps, Ani Lorak, Emin, Valeriya, İosif Priqojin, Timati, Eqor Krid və başqaları iştirak ediblər.

Filmin süjeti Rusiya estradasının ulduzları ilə dolu təyyarədə başlayır. Onlar Bakıda keçirilən “Jara” festivalına uçurlar. Onların arasında Daşa Steklova adlı qız da var. O, filmin qəhrəmanı və “Jara” festivalının ulduzu olaraq tədbiri öz şousu ilə bağlayan artistdir. Onun rolunu Diana Pojarskaya ifa edir.

Qeyd edək ki, Pojarskaya “Otel Eleon” serialında, eləcə də, Emin Ağalarovun “İnanılmaz” və “Wicked Game” mahnılarına çəkilmiş kliplərdə rol alıb.

Filmdə Bakıya gələn Daşanı festivalın digər ulduz iştirakçıları ilə birlikdə çoxsaylı macəralar gözləyir.

Tədbirin təşkilində dəstək göstəriblər: “Cinema Distribution”, “Taksim Kebap” restoranı, “Badam Patisserie” şirniyyat evi, “Xan 1860” - çaxır “Karabakh” (Göygöl çaxır zavodu), “Жара” energetik içkisi, “Light in Black”, “Decor&Events By T.A.” dekor şirkəti, “Şeh su” və “Basilur”.

Ən ulduzlu, qızğın və romantik komediya sentyabrın 5-dən etibarən nümayiş olunmağa başlayacaq!

“CinemaPlus” kinoteatrı hər zaman sizlərə xoş sürprizlər etmək və kino dünyasında olan ən son premyeralar ilə sizi sevindirməyə hazırdır.

Bizimlə əlaqə saxlayın

Digər Şou-biznes xəbərləri