13 
Avq
2019
23:50
165
31
5617
Virtual karabakh

Cennifer Lopezin sevgilisini soydular - VİDEO

Cennifer Lopezin sevgilisi, iş adamı Aleks Rodrigez yarım milyon dollarlıq qarətlə üzləşib.

TMZ-nin məlumatına görə, hadisə ötən bazar günü San-Fransiskoda keçirilən “Giants” və “Phillies” komandaları arasında keçirilən beysbol oyunu zamanı baş verib.

Aleks həmin oyuna şərhçi kimi qatılıb.

San-Fransisko Polis İdarəsindən verilən məlumata görə, gecə saat 10 radələrində quldurlar Rodriqezin “Oracle Park” yaxınlığındakı Brannan küçəsində park edilmiş avtomobilinin şüşəsini sındıraraq, 500 min dollar dəyərində zərgərlik və elektronika avadanlığını oğurlayıblar.

Bütün bunlar Rodrigez yaxınlıqdakı “Marlowe” restoranında nahar edərkən baş verib.

Hadisədən bir neçə saat sonra Aleks Rodrigezin nümayəndəsi maddi zərərin miqdarını şərh edib, lakin dəqiq məbləği açıqlamayıb: “Aleksin avtomobilindən oğurlanmış əşyaların dəyəri çox şişirdilmişdir”.

Zərərçəkən isə xoşagəlməz hadisəyə bu cür reaksiya verib: “Sadəcə dəyərinə görə deyil, həm də onlarla əlaqəli xatirələrim olduğu üçün, əziz olan bəzi əşyalarımın oğurlandığına görə kədərləndim. Eyni zamanda, sevinirəm ki, yerli hüquq-mühafizə orqanlarının kameralarında videoyazılar var, polislər cinayətkarların tutulması və əşyalarımın mənə qaytarılması üçün əllərindən gələni əsirgəmirlər”.

Aleksin sevgilisi Cennifer Lopez isə baş verən hadisəni şərh etməkdən boyun qaçırıb.

Rəşad Əliyev

 

Bizimlə əlaqə saxlayın

Digər Şou-biznes xəbərləri