Azərbaycanlı müğənninin açıq-saçıq səhnə libası səs-küy yaratdı - FOTO/VİDEO

Ötən gün Bakıda təşkil olunan mükafatlandırma gecəsində maraqlı anlar yaşanıb.

Oxu.Az xəbər verir ki, Zuzu ləqəbi ilə şou biznesdə ilk addımlarını atan müğənni Zeynəb Muradinin tədbirə geyindiyi libası müzakirələrə yol açıb.

Onun səhnəyə qırmızı rəngli, alt geyimindən ibarət “mayo” libasında çıxışı gecəyə toplaşan qonaqları şoka salıb. Heç kimin gözləmədiyi halda Zuzunun səhnəyə açıq-saçıq geyimdə çıxması heyrət və təəcüblə qarşılanıb.

“Dəlilər kimi” adlı mahnısını səsləndirən ifaçı ehtiraslı və seksual rəqsi ilə mükafatlandırma gecəsinə damğa vurub. Qonaqlar tərəfindən lentə alınan Zuzunun qalmaqallı çıxışı “Instagram”da paylaşılıb. İzləyicilərin əksəriyyəti müğənninin transparan geyimini və seksual rəqsini birmənalı qarşılamayıblar. Onlar Z.Muradini tənqid atəşinə tutublar.

Rəşad Əliyev