Türkiyənin məşhur aktrisası: “Atam tualetdə məni xortumla döyürdü”

“Həmişə atamla bağlı bir xatirəmi danışmağımı istəyəndə evdə tualetə salıb, məni qəddarcasına xortumla döyməsini xatırlayıram”.

“Hurriyet”in məlumatına görə, Türkiyənin məşhur aparıcısı və aktrisası Burcu Esmersoy uşaqlığından danışarkən bunları deyib və göz yaşlarını saxlaya bilməyib. 

“Atamın sadəcə məni yersiz danladığını xatırlayıram. Ataları ilə münasibətləri yaxşı olan rəfiqələrim həyata qarşı daha inamlı olduğunu görürəm. Atamla bağlı məndə yaranan problemləri bu günə qədər həll edə bilməmişəm”, - deyə o bildirib.

O, atası ilə uzun müddət görüşmədiyini, ancaq xəstələndiyi vaxt bacısının təkidi ilə onun iş yerinə getdiyini bildirib:

“Ofisinə görüşməyə getdik. Çox soyuq, tanımadığım bir insan, amma atam... Məni qınamayın, amma onu xəstə və çətin vəziyyətdə gördüyüm zaman qəlbimdəki rahatlığı başa sala bilmərəm”.

Esmersoy bunu atasına da dediyini bildirib:

“Atamın bacımla sərt danışdığını gördükdə ona dedim: “Hazırda səni bu qədər pis vəziyyətdə görməkdən hiss etdiyim sevinci sənə demək istəyirəm. Allaha olan inamım artır”.

Məşhur aktrisa anası ilə də münasibətlərinin yaxşı olmadığını deyib:

“Anam başqası ilə evləndiyi üçün 18 yaşına qədər anama “xala” demək məcburiyyətində qalmışam. Ögey atam çox möhtəşəm bir insan idi. Onun haqqını ödəyə bilmərəm, amma anam barədə bunu deməyə çətinlik çəkirəm. Hətta bir gün onu səhvən “ana” çağırdığım üçün şillə vurdu”.