Manaf Ağayevdən qalmaqallı açıqlama: “Bizə çörək lazımdır, sənət yox” - VİDEO

ARB TV-də yayımlanan “Səhər-Səhər” şousunda qalmaqallı anlar yaşanıb.

Oxu.Az xəbər verir ki, proqramın aparıcısı Rövşanə Ağasəfqızı üzünü şouda qonaq olan məşhur bəstəkar Nazim Əzimova tutaraq, ondan beş ballıq cədvəl ilə musiqimizi qiymətləndirməsini istəyib.

Verilişdə olan qonaqlardan biri müğənni Manaf Ağayev “Nazim, yerinə olsam, tərifləyərəm. Sən desən də, deməsən də, biz belə mahnılar oxuyacağıq. Bizə çörək lazımdır, sənət yox” - deyərək, N.Əzimovu qıcıqlandırıb.

Müğənninin fikirlərinə bəstəkarın şərhi belə olub:

“Sənə çörək lazımdırsa, biz batıb gedəcəyik. Deyirsən ki, bizə çörək lazımdır, bəs balaca uşaqlar bu zövqlə necə böyüyəcəklər?”

N.Əzimovun fikirlərinə isə M.Ağayev “Zövq qurtarıb” - cavabını verib.

Rəşad Əliyev