Timati ilk dəfə oğlunun üzünü göstərdi - FOTO

Rusiyanın məşhur reperi, “Black Star” leybolunun rəhbəri, iş adamı Timati üç aylıq körpəsinin görüntülərini paylaşıb.

Oxu.Az xəbər verir ki, divanda yarıçılpaq oturan repçi qucağında tutduğu oğlu Ratmirə yemək yedirib.

Həmin anları Timati lentə alaraq şəxsi “Instagram” hesabında yayıb.

Ağlı-qaralı şəkillərdə Timatinin 6 yaşlı qızı Alisa da yer alıb. Daha əvvəl oğlu Ratmiri çevrəsindən gizlədən məşhur bu dəfə onun görüntülərini sosial media hesabında paylaşıb.

Qeyd edək ki, 36 yaşlı Timati 24 yaşlı model Anastasiya Reşetova ilə eşq yaşayır.

Rəşad Əliyev