Əməkdar artist saç əkdirib? - AÇIQLAMA + VİDEO

Son günlər Əməkdar artist Ədalət Şükürovun “5/5”və “1AzTV” verilişlərinə papaqla çıxması söz-söhbətə səbəb olub. Bəziləri onun saç əkdirdiyini iddia edib.

Oxu.Az xəbər verir ki, “MTV Azərbaycan” telekanalının “Ulduzun vaxtı” şousunda qonaq olan Ə.Şükürov məsələ aydınlıq gətirib.

“Xatirələr” bəstəsinə klip çəkdirdik. Orada başıma papaq qoydum. Verilişlərə də həmin o papaqla çıxdım. Hər zaman papaqsız gəzirəm. Heç bir əməliyyat keçirməmişəm. Bu, yalan məlumatdır. Sağam, salamatam”, - deyə Əməkdar artist bildirib.

Qeyd edək ki, şou-biznesin bir sıra məşhurları Manaf Ağayev, Elariz Məmmədoğlu, skripkaçı Səlim Abbasov, Vasif Məhərrəmli saç seyrəkliyindən birdəfəlik qurtulmaq üçün narkozsuz əməliyyat vasitəsi ilə saç əkdiriblər. 

Rəşad Əliyev